აკრძალეთ სერიალები, ღვთისნიერებო, აშკარად ეშმაკისეულია. დაუბინდდა და დაუჩლუნგდა ხალხს ტვინი. ნანკა კალატოზიშვილი მალე პატარას ელოდება. ძალიან ლამაზი ორსულია. ფეხმძიმობის დასაწყისში პრესასთან გამოჩენას, ინტერვიუებს, ფოტოების გადაღებას ერიდებოდა. შემდეგ კი არც ფოტოგადაღებებზე უთქვამს უარი და არც ინტერვიუებზე.

ნანკას მეორე ნახევარი და მისი ბავშვის მამა კალათბურთელი ირაკლი კეიდიაა. მათი რომანი რამდენიმე წელს ითვლის. მართალი გითხრათ, ჟურნალისტებს ამ წყვილზე არანაირი ჭორი არ გაგვიგია. თავიანთი რომანტიკული ურთიერთობების შესახებ ნანკაც დიდად არაფერს მალავს და ფოტოებსაც აქვეყნებს ხოლმე ხშირად, თუ როგორ უწყობს ირაკლი სიურპრიზებს დაბადების დღეებზე. ერთი ისაა, რომ ჟურნალისტებმა ირაკლი ინტერვიუზე ვერაფრით შემოვიტყუეთ.

ნანკაზე ჩვენ ჭორებს ვერ ვიგებთ, სამაგიეროდ, თავად მსახიობი ხალისობს გავრცელებულ ხმებზე და ''ფეისბუქზე'' სახალისო პოსტიც გამოაქვეყნა.

''დღეს ერთი ნაცნობი ვნახე, გაოგნებული მიყვებოდა ჩემზე ამბებს. მოკლედ, ბრაზილია ან არ ვიცი, კოლუმბია ჩვენთანაა. ნანკა ორსულად კი არ არის, ბალიშის მუცელი აქვსო და როგორც ფილმებშია, ზუსტად ისე იცვლის, გაზრდილი რომ გამოუჩნდესო. იმავე ადამიანმა განაცხადა, რომ კედოს მეორე ბავშვი უჩნდება ახლა, მერე აიჭრა, თუ ბალიშის მუცელი მაქვს, მეორე როგორო და განაცხადა, მოკლედ, თუ გაუჩნდა, ე.ი. მეორე გაუჩნდება კედოს და თუ არა, ხო ვამბობდი, ბალიშის მუცელიაო. აკრძალეთ სერიალები, ღვთისნიერებო, აშკარად ეშმაკისეულია. დაუბინდდა და დაუჩლუნგდა ხალხს ტვინი''.

ნინო მურღულია

სპეციალურად ''რეიტინგის'' საიტისთვის