''მინდოდა, მაჩო ვყოფილიყავი, შემეწყვიტა ქალივით ფიქრი, მაგრამ არაფერი გამომდიოდა, რადგან ვცდილობდი ვყოფილიყავი ის, ვინც არ ვიყავი.
ჯარის შემდეგ ლორენსმა გადაწყვიტა, დაენებებინა თავი ყველა მცდელობისთვის და მოქცეულიყო, როგორც ქალი. ოჯახს, რომელმაც ვერ გაუგო, გამოემშვიდობა, მშობლიური ქალაქიდან ლონდონში გადაბარგდა და დიდი ბრიტანეთის თავდაცვის სამინისტროში მზარეულად დაიწყო მუშაობა.
ლონდონშივე იპოვა ექიმი, რომელიც დახმარებას დაჰპირდა. დაიწყო ჰორმონების მიღება, დაიგრძელა თმა, შეიცვალა სქესი და რელიგიაც კი. როგორც თვითონ ამბობს, მისი აზრით, ისლამი მშვიდობიანი რელიგიაა. ამიტომაც გახდა მუსლიმანი, გამოეწყო შესაბამის სამოსში და დაიწყო მეჩეთში სიარული.
თუმცა ბედნიერება დიდხანს არ გაგრძელებულა. როცა მეჩეთში გაიგეს, რომ ლუსი სინამდვილეში ლორენსი იყო, აუკრძალეს სხვა ქალებთან ერთად ლოცვა. ახლა ლუსის მყარად აქვს გადაწყვეტილი, რომ მუსლიმანი ტრანსსექსუალების უფლებებისთვის უნდა იბრძოლოს. ამჟამად სახლში ლოცულობს და დიდი იმედი აქვს, ის დროც დადგება, რომ თავისუფლად შევა მეჩეთში.
შარშან აპრილში ლუსი გათხოვდა კიდეც. მისი რჩეული მუსლიმი მურადია, რომელიც ინტერნეტში გაიცნო. მოკრძალებული საქორწინო ცერემონია ლონდონში ვალანდერის სახლში გაიმართა.
ვალანდერი თანდათანობით მსოფლიო მასმედიის ვარსკვლავი ხდება. მას დიდ ბრიტანეთში პირველ მუსლიმან ტრანსსექსუალს უწოდებენ, ხოლო ორგანიზაციამ, რომელიც მუსლიმანი ლგტბ-საზოგადოების წარმომადგენელთა უფლებებს იცავს, უკვე გამოიდო თავი მის დასაცავად.
ჟურნალი ''რეიტინგი''
