მაშინ ვიქტორია მამამისის ერთადერთ მემკვიდრედ მიიჩნიეს, მისი სავარაუდო მილიარდები დათვალეს და ამიტომ ერგო ეს პოზიცია. თუმცა მოულოდნელად ვითარება შეიცვალა. აღმოჩნდა, რომ მიხელსონის დიდ იმპერიას კიდევ ერთი მემკვიდრე ჰყავს - მისი ექვსი
გადავხედოთ სხვა პატარძლებსაც, მსხვილი ბიზნესმენებისა და გავლენიანი ადამიანების ქალიშვილებს. ტატიანა ევტუშენკოვა სააქციო ფინანსური კორპორაცია ''სისტემის'' მფლობელის ვლადიმერ ევტუშენკოვის ქალიშვილია. 37 წლის ტატიანა დირექტორთა საბჭოს წევრია და მამის კომპანიაში საკმაოდ აქტიურად მუშაობს.
ანასტასია შუბსკაია მსახიობ ვერა გლაგოლევასა და ხომალდების მფლობელის, კომპანია ''ალიანსის'' პრეზიდენტ კირილ შუბსკის ქალიშვილია. 20 წლის ანასტასია საპროდიუსერო ფაკულტეტზე სწავლობს მოსკოვის უნივერსიტეტში.
ეკატერინა რიბოლოვლევა კომპანია ''ურალკალიუმის'' ყოფილი მფლობელის, ახლა კი საფეხბურთო კლუბ ''მილანის'' მეპატრონის დიმიტრი რიბოლოვლევის ქალიშვილია. 23 წლის ეკატერინამ ცხოვრების უმეტესი ნაწილი საზღვარგარეთ გაატარა, პრესტიჟულ ამერიკულ უნივერსიტეტში სწავლობდა. ახლა ნიუ-იორკში ცხოვრობს მამის ნაყიდ 90 მლნ- დოლარიან პენტჰაუსში.
23 წლის ეკატერინა ფედუნი ''ლუკოილის'' თანამფლობელისა და საფეხბურთო კლუბ ''სპარტაკის'' მფლობელის ლეონიდ ფედუნის ქალიშვილია. ორი უმაღლესი დაამთავრა და ახლა ლონდონში მსხვილ პიარსააგენტოში მუშაობს.
სონია და კატია გაიდამაკები - მედიაჰოლდინგ ''გაერთიანებული მედიის'' ყოფილი მფლობელის, საფრანგეთის, ისრაელის, კანადისა და ანგოლის მოქალაქე არკადი გაიდამაკის ქალიშვილები არიან. დები სამკაულების დიზაინერები არიან, რამდენიმე წლის წინ საკუთარი კომპანიაც დააარსეს. ნიუ-იორკში სწავლობდნენ, ახლა კი მოსკოვში არიან ხშირად.
ეკატერინა ბონი კომპანია ''ალკორი და კოს'' დირექტორის კირილ მურდაკოვის ქალიშვილია. მამამისს ეკუთვნის პარფიუმერიულ-კოსმეტიკური ქსელი, ასევე აფთიაქების ქსელი მოსკოვში. 23 წლის ეკატერინას ჟურნალისტიკის ფაკულტეტი აქვს დამთავრებული და კონსალტინგურ კომპანიაში მუშაობს.
ევა ხანი ''ტნკ-ვრ მენეჯმენტის'' აღმასრულებელი დირექტორის გერმან ხანის ქალიშვილია. შარშან დაამთავრა პრესტიჟული სკოლა მოსკოვში და ლონდონში გააგრძელა სწავლა.
ანასტასია ფუკსი დეველოპერული კომპანია Mოს ჩიტყ Gროუპ-ის მეთაურის პაველ ფუკსის მემკვიდრეა. 18 წლის გოგონა ერთი პერიოდი ტანსაცმლის დიზაინერად მუშაობდა, ახლა კი ლონდონში სწავლობს.
ელენ მანასირი ჰოლდინგის ''სტროიგაზკონსალტინგის'' პრეზიდენტის ზიად მანასირის მემკვიდრეა. ჟურნალისტიკის ფაკულტეტი დაამთავრა და სერიალ ''ჟურფაკშიც'' ითამაშა მთავარი როლი.
მოამზადა ლელა ზურებიანმა
