სულ ცოტა ხნის წინ მან 3 მლნ დოლარად ღირებული აპარტამენტები იყიდა მოსკოვის ცენტრში, პრესტიჟულ ცათამბჯენში ''ოქროს კოშკი''. ეს შენობა ყველაზე მაღალია ევროპაში და მისი აშენება არც ისე დიდი
სანამ მოსკოვურ ბინას შეიძენდა, მანამდე ივანმა გრანდიოზული აგარაკიც იყიდა, რომელსაც თავისი ხმის ჩამწერი სტუდია, კინოდარბაზი და საბილიარდო აქვს. ამ კომპლექსს ურგანტი და მისი ცოლი რამდენიმე წელი აშენებდნენ მოსკოვთან ახლოს, რუბლიოვკაზე.
მანამდე კი ივანი ცოლის მშობლებთან ერთად ცხოვრობდა სანქტ-პეტერბურგში. მისი წინა საცხოვრებელი სახლი მის პირველ ცოლს დარჩა - ტატიანა გევორქიანს, ტელეწამყვანს, რომელთანაც შოუმენმა ხუთი წელი იცხოვრა.
ნატალიასაც ჰქონდა მანამდე ოჯახი - მისი ქმარი ბიზნესმენი თემურ კუტალია იყო, რომელთანაც ორი შვილი ჰყავს. ივანთან 2008 წელს გააჩინა ქალიშვილი ნინა. მას სახელი ურგანტის ბებიის პატივსაცემად დაარქვეს, რომელიც ცნობილი ფილმის ''ბელორუსული სადგურის'' ვარსკვლავი იყო. ნატალია ამჟამად კვლავ ორსულად არის. ეს მისთვის მეოთხე შვილი იქნება, ივანისთვის - მეორე. ურგანტი ნანატრ ვაჟს ელოდება, თუმცა ბავშვის სქესს ჯერ არ ახმაურებენ.
სხვათა შორის, ნატალია და ივანი ერთმანეთს ჯერ კიდევ სკოლიდან იცნობენ და ამბობენ, რომ მაშინაც უყვარდათ, თუმცა სკოლის მერე მათი გზები გაიყარა. ნატალია ქართველ ბიზნესმენს გაჰყვა ცოლად, ივანიც თავის გზას გაუყვა კარიერის ასაწყობად. წლების შემდეგ ისევ შეხვდნენ ერთმანეთს და ძველი სიყვარულიც გაახლდა. ახლა ივანი ხშირად ამბობს, რომ ნატალია მისი ერთადერთი და საბოლოო სიყვარულია.
ჟურნალი ''რეიტინგი''