მე სხვის განსჯარ არ დავიწყებ რადგან არავის მოუცია ჩემთვის ამის ნებართვა, მაგრამ ჩემთვის გაუგებარია თუ რატომ იმახინჯებენ საკმაოდ კარგი გარეგნობის ადამიანები თავს უამრავი ტატუებით, პირსინგებით თუ სხეულზე გაკეთებული უცნაური ფორმის ინფლანტებით.

მაგალითისათვის ავიღე ტატუ-მოდელი ლინა, რომელიც ფანტასტიკის ჟანრის "კიბორგს" უფრო ჰგავს ვიდრე ჩვეულებრივ ადამიანს.

გერმანელმა გოგომ 42 000 ევრომდე დახარჯა იმისათვის, რომ ასე "დაეტუნინგებინა" საკუთარი სხეული.

ლინამ სოციალურ ქსელში სახელი გაითქვა არასტანდარტული გარეგნობით: მისი სხეული დაფარულია აურაცხელი ტატუებით, პირსინგებით და კანქვეშ შეყვანილი სხვადასხვა ფორმის მისაღებად სპეციალურად გაკეთებული სილიკონის ინპლანტებით.

ცნობილია, რომ ლინა ბავშვობის ასაკიდანვე დაინტერესდა ტატუთი: "მე არ ვიყავი კმაყოფილი საკუთარი გარეგნობით და გადავწყვიტე არ შევგუებოდი არსებულ რეალობას, რაც ხელს მიშლიდა სრულფასოვან ბედნიერებაში.

არსებობს უამრავი მეთოდი საკუთარი თავის გარდასაქმნელად, სამედიცინო ტექნოლოგია იძლევა ამის საშუალებას ასევე სხეულის მოდიფიკაციის ხელოვნება იძლევა იმის საშუალებას გამოჩნდე განსხვავებულად და არაორდინალურად საზოგადოების გარკვეულ ნაწილში", -განაცხადა ატუ მოდელმა.

იხილეთ სრულად ფოტოები