თუ ჟიზელ ბუნდჰენის შემოსავალი წელიწადში 40-45 მლნ დოლარით მატულობს, მამაკაცი მოდელი წარმატებულად მიიჩნევა, თუ მისი წლიური შემოსავალი მილიონ დოლარს შეადგენს. კეიტ მოსსა და ჰაიდი კლუმს ერთმანეთისგან, ალბათ, ბავშვიც კი არჩევს. აი, პარფიუმის მორიგ რეკლამაში მორიგი გარუჯული სექსუალური მზეჭაბუკის გარჩევა ბევრს უჭირს - რა თქმა უნდა, თუ ეს ცნობილი მსახიობი არ არის.

ძლიერი სქესის წარმომადგენლები რა ხანია ცდილობენ, სამოდელო ბიზნესი დაიპყრონ, მაგრამ ჯერჯერობით ქალებთან მარცხდებიან. თუ ჟიზელ ბუნდჰენის შემოსავალი წელიწადში 40-45 მლნ დოლარით მატულობს, მამაკაცი მოდელი წარმატებულად

მიიჩნევა, თუ მისი წლიური შემოსავალი მილიონ დოლარს შეადგენს.

თავის წარმატებას საიმონ ნესმანი თავისი მეგობრის უფროს დას უნდა უმადლოდეს, რომელმაც საკუთარი ინიციატივით გაგზავნა მისი ფოტოები სამოდელო სააგენტოში. კასტინგ-დირექტორმა დიდი კომერციული წარმატება დაინახა ამ ბიჭში - ნესმანი ერთდროულად დახვეწილი, მამაკაცური და ეგზოტიკური იყო, ამიტომ ნებისმიერი დამკვეთის გემოვნებას შეესაბამებოდა. გათვლა სწორი აღმოჩნდა - საკმარისი იყო, ნესმანის პროფაილი საერთაშორისო ბაზაში აღმოჩენილიყო, მას თავს დაეხვივნენ წინადადებებით. ის ისეთმა გურუებმა აღიარეს, როგორებიც რობერტო კავალი, ივ სენ-ლორანი და ჯონ გალიანო არიან.

ტაისონ ბალოუს უკვე დიდი ხანია არ ეძახიან უბრალოდ მოდელს, ის მოდის ნამდვილი აღმოჩენაა. აშშ-ში დაბადებულმა კარიერა ტეხასურ პოდიუმებზე დაიწყო, ახლა კი მისი ფოტოები მთელ ამერიკასა და ევროპაშია მოდებული, სარეკლამო აბრებსა და სტენდებზე. მის ანგარიშზე ათობით ჟურნალის გარეკანია, ასობით ტანსაცმლის ჩვენება და ათასობით თაყვა-ნისმცემლის ერთგული სიყვარული. მანეკენი დღემდე მსოფლიოს ცნობილ ბრენდებთან მუშაობს.

ნოა მილსი „დოლჩე და გაბანას“ ფავორიტად მიიჩნევა - ამ იტალიური სახლის არაერთი ჩვენება გაუხსნია და დაუხურავს და არაერთხელ გამხდარა პროდუქციის სახე. ასევე აღსანიშნავია, რომ კარიერის განმავლობაში მას პლანეტის ყველაზე სასურველ ქალებთან - ნაომი კემპბელთან, კლაუდია შიფერთან, ლეტიცია კასტასთან, ნატალია ვოდიანოვასთან ერთადაც უმუშავია.

ბრიტანელი დევიდ განდი ერთ-ერთი ყველაზე სტაჟიანი მოდელია. ამ პროფესიაში 2000-იანი წლების დასაწყისიდან არის, როცა სატელევიზიო კონკურსის მთავარი პრიზი მოიგო და ცნობილ სააგენტოსთან კონტრაქტი გააფორმა. მისი გამარჯვება მოულოდნელი იყო - მოდაში იყვნენ გამხდარი, ანდროგენური ჭაბუკები, რომელთა ფონზე დაკუნთული განდი ფიტნესინსტრუქტორს უფრო ჰგავდა. ისიც დომენიკო დოლჩემ და სტეფანო გაბანამ შეამჩნიეს და მას მერე მისი კარიერა აღმა წავიდა.

შონ ოპრაი ჯორჯიის შტატის პატარა ქალაქ კენესოში დაიბადა და გაიზარდა. აქტიურად იყო დაკავებული სპორტით და გეგმავდა, ცხოვრება ზღვის ფაუნის შესწავლისთვის მიეძღვნა. თუმცა ბედმა სხვაგვარად განსაჯა, ოპრაის მიერ ინტერნეტში განთავსებული ფოტო ფეშენსტილისტსა და რეჟისორს მოეწონა. სწორედ მან უწინასწარმეტყველა ამ ადამიანს ბრწყინვალე მომავალი. ასე აღმოჩნდა პროვინციელი ნიუ-იორკში და რამდენიმე დღეში პირველი კონტრაქტიც გააფორმა.

გაგრძელება იქნება...

ჟურნალი „რეიტინგი“