რეიტინგული ფოტო
 
სალვადორ სობრალი “ევროვიზია-2017“-ის პორტუგალიის წარმომადგენელი, რომელმაც ლირიკული შესრულებით მაყურებელი აღაფრთოვანა
სალვადორ სობრალი “ევროვიზია-2017“-ის  პორტუგალიის წარმომადგენელი, რომელმაც ლირიკული შესრულებით მაყურებელი აღაფრთოვანა
10 მაისი, 2017
„ევროვიზია-2017“-ის პირველ ნახევარფინალში მეცხრე ნომრით, ერთ-ერთი ფავორიტი კონკურსანტი, პორტუგალიის წარმომადგენელი, 27 წლის სალვადორ სობრალი გამოვიდა.

მომღერალმა მაყურებელი სიმღერის წარმოუდგენლად ლირიკული შესრულებით მონუსხა.

მის კომპოზიციას "Amar Pelos Dois" ჰქვია, რაც ქართულად „სიყვარული ორისთვის საკმარისია“ ნიშნავს.

სოციალური ქსელის მომხმარებელი სალვადორის ემოციური შესრულებით აღფრთოვანებულია. ბევრი მას
You must have Flash Player installed in order to see this player.
პოტენციურ გამარჯვებულადაც მოიაზრებს.

სალვადორ სობრალი ლისაბონში დაიბადა, თუმცა აშშ-ში დიდხანს ცხოვრობდა, საიდანაც ბარსელონაში გადავიდა.

მის ცხოვრებაში მუსიკა დიდ როლს თამაშობს, ამიტომ ლისაბონის უნივერსიტეტში, ფსიქოლოგიის ფაკულტეტი მიატოვა და ესპანეთის ერთ-ერთ ყველაზე პრესტიჟულ მუსიკალურ სკოლაში „Taller de Músics“ ჩაირიცხა. სწავლის პერიოდში სალვადორმა ბევრი სიმღერა დაწერა და საკუთარი თავი სხვადასხვა მუსიკალურ ჟანრში გამოსცადა.

Rating


სალვადორმა პოპულარობა, ცნობილ პორტუგალიურ შოუში "Ídolos" მონაწილეობისას მოიპოვა. შემსრულებელმა პროექტის მესამე სეზონში მეშვიდე ადგილი დაიკავა. აღსანიშნავია ისიც, რომ მომღერლის და, ლუიზა ასევე კარგი მომღერალია. ის "Ídolos" - ის ერთ-ერთი გამარჯვებულია.

შეგახსენებთ, რომ დაავადების გამო სალვადორი „ევროვიზია-2017“-ზე ბოლო მონაწილე გახდა, რომელიც კიევში ჩავიდა. მან რეპეტიციები გააცდინა და მხოლოდ 7 მაისს, კონკურსის გახსნაზე ჩაფრინდა.

მომღერალი ბავშვობიდან გულის დაავადებით იტანჯება და სხვა მონაწილეების მსგავსად ყველა ტურში კონკურენციის გაწევა არ შეუძლია.

პრეს-კონფერენციებსა და გაუთვალისწინებელი სიტუაციების შემთხვევაში, შემსრულებელს საკუთარი და, ლუიზა ჩაანაცვლებს, რომელიც სიმღერის ავტორი გახლავთ.

ანა გარელი



 

FaceBook Twitter Google ელფოსტაბეჭდვა
კომენტარი (1)
17:45 / 23-05-2017
მაკო
ესეთი შემსრულებელი რომელმაც დიდი შთაბეჭდილება მოახდინა მისი უჩვეულო საშემსრულებლო მანერით ნამდვილად გამარჯვების ღირსია ბრავო სხვას ვერაფერს ვერ ვუსმენ ეს დღეები
კატეგორიის სხვა სიახლეები