ია ფარულავას კატებისადმი სიყვარულისა და მეგობრული დამოკიდებულების შესახებ, მეტ-ნაკლებად ყველამ იცის, მაგრამ დღეს მსახიობმა განსაკუთრებით სათუთი დამოკიდებულება გამოამჟღავნა ცხოველებისადმი. მან სოციალურ ქსელში გამოაქვეყნა სტატუსი, რომელშიც წერს, რომ უგულო ადამიანებს,რომლებიც კატებს ცუდად ექცევიან, ვერ იტანს.

ია სამ ფისოს სადარბაზოში უყრიდა საჭმელს, მეზობლებმა, თურმე გადაუგდეს ჯამი რომელზეც ის შინაურ ცხოველებს საკვებს უყრიდა. დღეს ერთ-ერთი, როგორც ია ამბობს, "მსუქანა კატა" გაჭყლიტა მანქანამ. "ეს კატა პარკში მოვათავსეთ და გავაშორეთ გზას თორემ მანქანები ზედ უვლიდნენ", - წერს მსახიობი.

"კარგა ხანია არ მიტირია გულქვას მაგრამ დღეს სახლის წინ მსუქნა კატა გაჭყლიტა მანქანამ მე ვუყრიდი ხოლმე სადარბაზოში საკვებს მას და კიდევ ორ ფისოს ..მეზობელმა გადამიდგეს ის ჯამი, სადაც ვუყრიდი საჭმელს. მე მაინც არ გავჩერდები.

ეს კატა პარკში მოვათავსეთ და გავაშორეთ გზას თორემ მანქანები ზედ უვლიდნენ ....უგულო ადამიანებო ვერ გიტანთ !!!!!", - როგორც იას სხვა პოსტებს, ამ განცხადებასაც დიდი გამოხმაურება მოჰყვა სოციალურ ქსელში.

მსახიობის "ფეისბუქის" მეგობრები კომენტარებში საუბრობენ ცხოველების უფლებების დაცვაზე. ისინი ადარებენ საქართველოსა და სხვა ქვეყნების კანონმდებლობას. ბევრი მოითხოვს ცხოველებზე ძალადობა კანონით დაისაჯოს.

მარიამ კაკაურიძე