შორენა ბეგაშვილის დიდ გემოვნებიანად მოწყობილ სახლს სითბოსა და სიმყუდროვეს პატარა ოთხფეხა ოჯახის წევრები მიმი და პენელოპა მატებენ. პეკინესი "პენელოპა" 5 წლისაა. ხოლო ჩიხუახუა (ჩიუაუა), რომელსაც მიმის ეძახიან - 4 წლის. "პენელოპაც და მიმიც ლეკვობიდან მყავს" - ამბობს ტელეწამყვანი.
მიმი როცა
პენელოპას განსაკუთრებით უყვარს ევა, გაღვიძებისთანავე მასთან მიდის და ეფერება. მიმი კი შორენას არ შორდება გვერდიდან.
პეკინესიც და ჩიხუახუაც სახელგანთქმულები არიან, როგორც პატარა და ავი ძაღლები. მიმი სახელს ამართლებს, ყოველთვის შორენას გვერდითაა და თუ მის პატრონს ვინმე მიეკარება ძალიან ბრაზდება. იგივეს ვერ ვიტყვით პენელოპაზე. ის ძალიან მეგობრული და თბილი ძაღლია.
ია ფარულავა კატებზეა შეყვარებული, სოციალურ ქსელში ფისოების მოყვარულთა ჯგუფის წევრია და საკმაოდ აქტიურად აკომენტარებს საყვარელი კნუტების ფოტოებს. 2014 წელს მან შეიძინა პატარა, შავი კნუტი რომელსაც კაწია დაარქვა.
კაწიას სახლში მოყვანიდან მალევე, მსახიობს სახე შეუშუპდა, რამაც ბუნებრივია აფიქრებინა, რომ ალერგიული იყო. იამ სანამ ექიმთან მივიდოდა, ძალიან ინერვიულა ის ფაქტი, რომ მეგობართან გამომშვიდობება მოუწევდა თუ მისი ეჭვები გამართლდებოდა.
უცნობია რამ გამოიწვია მსახიობის სახის შეშუპება, რადგან დღესაც კატა მისი ბინის ბინადარია.
ნანიკო ხაზარაძის კატის სურათებმა სოციალური ქსელები ააჭრელა. ტელეწამყვანის ფისო ეგვიპტური ჯიშისაა. მიუხედავად იმისა, რომ საზოგადოების დიდი ნაწილი უშნოდ და მახინჯად მიიჩნევს ამ ჯიშის კატებს,
ნანიკოს თავისი შინაური ცხოველი ძალიან უყვარს. ის ოთხფეხა მეგობარზე ყოველთვის ზრუნავს, აჭმევს განსაკუთრებულ საჭმელს, ეფერება, ასმევს წამლებს როცა ავად ხდება, ყოველთვის სუფთად ყავს და პატრონი საპასუხო სითბოს კატისგანაც გრძნობს.
არანაკლებ ცნობილია საქართველოს ყოფილი პირველი ლედის, სანდრა რულოვსის ჰიბრიდული ჯიშის კოკერსპანიელი.
ყოფილმა პრეზიდენტმა ძაღლი მხოლოდ უმცროსი ვაჟის გამო დათმო და ოდესაში აღარ წაიყვანა.
მიხეილ სააკაშვილი ამბობს, რომ მისი ოთხფეხა მეგობრის გარეშე დასვენება ვერ წარმოუდგენია.
ძაღლის სურათი ოდესის გუბერნატორს მობილურზე ეყენა. კოკერსპანიელი საქართველოს ყოფილი პრეზიდენტის ახალი, საყვარელი ოჯახის წევრია.
მარიამ კაკაურიძე
