სამშობლოში დაბრუნებულმა, როგორ ჩანს საყვარელი საქმიანობაც არ დაივიწყა და მეგობრებთან ერთად სათევზაოდაც გახლდათ.
ვასო სოციალურ ქსელში ყოველდღიურად აქტიურობს და საკუთარი ფოტოების გამოქვეყნების გარდა, ხანდახან იუმორისტულ სტატუსებსაც დებს.
არ ვიცი, რატომ გააბრაზეს მარტოხელა ვასო ქართველმა გოგონებმა, მაგრამ ფაქტია,
''ფეისბუქს ვკითხე: ფეისბუქო, ფეისბუქო, ქართველ გოგონებს რამე ეშველებათ? ფეისბუქმა მითხრა, - სანამ ქართველი გოგონები ტუჩების გამობურცვას, თავისი ფოტოების ცნობილი ტოპ მოდელების ფოტოებთან მიმსგავსებას, (ნუ თვითონ ასე ჰგონიათ, რომ გვანან), მანამდე არაფერიო'' , - ხუმრობს ფხაკაძე.
მოგვიანებით კი, როგორც ჩანს, გოგონებს მარტო გამობურცული ტუჩების კრიტიკა არ აკმარა, მათ პლასტიკურ ოპერაციებსაც გადასწვდა და ქართველი გოგოს დღიური გამოქვეყნა.
''ქართველი გოგოს დღიური''
1. კეხი გავისწორე - კი
2. ტუჩები და მკერდი დავიბერე - კი
3. უკანალი დავისილიკონე - კი
აბა, რატომ ვერ ვთხოვდები?
ააა, მივხვდი, ჯადო მაქვს უეჭველი...''
ასე სევდიანად მთავრდება ფხაკაძისეული ქართველი გოგონას დღიური. მაგრამ როგორც ჩანს, იუმორისტი პლასტიკური ქირურგების სასარგებლოდაც მუშაობს, რადგან ''ფისბუქის'' საკუთარ გვერდზე უფასო სლოგანიც შესთავაზა მათ.
''პლასტიკური ქირურგიის ცენტრის სლოგანი:
გადაგჭიმავთ სწრაფად და ხარისხიანად, ნიკოფსიიდან – დარუბანდამდე'' ...
ვასო იმდენს წერს ხელოვნურ სილამაზეზე, სავარაუდოდ მის სტატუსებს ადრესატიც ეყოლება, მაგრამ მთავარია, ჯერ კიდევ დასაოჯახებელმა იუმორისტმა, ქართველი გოგონების დიდი ნაწილი სამუდამოდ არ გადაიმტეროს.
ქეთი მელაძე
სპეციალურად ''რეიტინგის'' საიტისთვის