ადმინის კითხვას უამრავი კომენტარი მოჰყვა

შვიდ ნოემბერს „ნიჭიერის“ მომდევნო ტურში ნიკა გვარამიას ნაცვლად ჟიურის წევრობა სოფო ნიჟარაძეს დააკისრეს. სოფომ, სანამ ჟიურის წევრებს შეუერთდებოდა „ნიჭიერის“ სცენაზე იმღერა. მოგვიანებით კი აღნიშნა, რომ ძალიან ინერვიულა.

კონკურსანტებს დაჰპირდა, მკაცრი ჟიურის წევრი არ იქნებოდა, რადგან კარგად ესმოდა მათი.

„ნიჭიერის“ ფეისბუქგვერდზე ადმინმა სოფოს ფოტო გამოაქვეყნა წარწერით : „ნიკას ნაცვლად, ჟიურის ადგილი დღეს სოფო ნიჟარაძემ დაიკავა! ელოდით მის ხილვას ჟიურის წევრად"?

ადმინის კითხვას უამრავი კომენტარი მოჰყვა, ბევრი აღფრთოვანებულია სოფოს გარეგნობით და სიმღერით და წერენ, რომ ის ძალიან საყვარელია.

ზოგს „ნიჭიერში“ მომღერლის გამოჩენამ „იქს ფაქტორი“ გაახსენა. წერენ, რომ სოფო, გეგა ფალავანდიშვილი და ვანო ჯავახიშვილი საუკეთესო ჟიური იყო.

ზოგს კი სოფოს ნიჭიერში ნახვამ ინდური სერიალის გმირი, იჩა გაახსენა. იჩა, რამდენიმე სერიის წინ გარდაიცვალა.

„მიცვალებული აღსდგა“, წერენ კომენტარებში.