ზოგი წერს, რომ ნინის აღზრდაში დედას აქვს შეცდომა დაშვებული რამდენიმე დღეა, სოციალურ ქსელში არ წყდება ნინი ქარსელაძის კრიტიკა. მომღერლის გულახდილი პასუხი, რომ მას სამშობლოზე მეტად შოკოლადი უყვარს, ბევრს წარმოუდგენლად მიაჩნია.

ზოგი წერს, რომ ნინის აღზრდაში დედას აქვს შეცდომა დაშვებული. ნინის დედა, ხათუნა ჟორდანია კრიტიკოსებს სოციალურ ქსელში  პასუხობს. 

„ვინაიდან ხათუნას კომენტარი გაინტერესებთ, დიდი სიამოვნებით შემოგთავაზებთ ჩემს მოკრძალებულ, სუბიექტურ აზრს:
ვინც უყურა ამ გადაცემას, კითხვაზე-რა გიყვარს სამშობლოზე ძალიან? ნინიმ უპასუხა- დედა, და, ჩემი ოჯახიო. (თუ სწორად მახსოვს?) რა, კიდევ რაო? მგონი, ასე ჰკითხა წამყვანმა და ნინიმ სიცილით- შოკოლადიო.

იქვე, რომელიღაც კითხვაზე(თუ მეხსიერება არ მღალატობს), მოყვა, როგორ ცხოვრობდა რამოდენიმე ხანი უცხოეთში და როცა ჩამოვედი, ამ ქვეყნის სუნი მენატრებოდაო. ვინც ისე  უყურა გადაცემას, რომ აუცილებლად უარყოფითად უნდოდა შეეფასებინა, ენას ძვალი არ აქვს და ჩვენ, ამ სამშობლოზე ასე შეყვარებულ ადამიანებს, ხომ ასე გვიადვილდება ადამიანების გაკიცხვა, გადავლა, განსაკუთრებით როცა ის სულ 24 წლისაა.

და სამშობლოს სიყვარულზე ბევრი რომ ელაპარაკა, ან ეთქვა თავს გავწირავ ამ ქვეყნისთვისო- ნეტა, ყველა კმაყოფილი დარჩებოდა? ასე, რომ ყველამ თავის გულში ჩაიხედოს და 1000% ვარ დარწმუნებული, რომ ჩემი შვილი, ბევრ თქვენგანს გაასწრებს და მასტერ კლასსაც ჩაუტარებს სამშობლოს სიყვარულში... პატივისცემით ხათუნა ჟორდანია“.

სალომე დადიანი 

რატომ უყვარს ნინი ქარსელაძეს შოკოლადი სამშობლოზე მეტად - „ჩემი პასუხი იყო გულრწფელი“