განახლებული სეზონში მოქმედებები ციმბირში მიმდინარეობს. ციხის უფროსი, კობა მკაცრი და დაუნდობელია, კობას როლს მსახიობი მალხაზ აბულაძე ასრუებს, რომელიც ფართო საზოგადოებამ სერიალ ''ჩემი ცოლის დაქალებიდან'' გაიცნო პაატას როლით.
''ტიფლისში'' მალხაზის გმირს კლავენ, თუმცა ''ჩემი ცოლის დაქალებში''
მაყურებლის აღფრთოვანება დაიმსახურა მალხაზ აბულაძისა და ნათია მელაძის ნათამაშებმა ეროტიკულმა სცენამ. ბევრმა აღნიშნა, რომ ასე თამაში ჰოლივუდის მსახიობებსაც კი შეშურდებოდათ. მალხაზ აბულაძეს რამდენიმე კითხვა დავუსვით.
- უარყოფითი როლის შესრულება რომ შემოგთავაზეს, დათანხმებაზე დიდხანს ფიქრობდით?
- არც დავფიქრებულვარ.
- თქვენ თავად თქვენს გმირში რა არ მოგეწონათ?
- რამე რომ არ მომწონებოდა, არც ვითამაშებდი.
- ბევრის აზრით თქვენ და ნათია მელაძემ ეროტიკული სცენა ძალიან კარგად ითამაშეთ. უხერხულობის მომენტი არ გქონდათ ამ სცენის თამაშისას?
- ძალიან დიდი მადლობა იმ ბევრ ადამიანს, რომლებმაც ასე კარგად შეგვაფასეს. უხერხულობა იყო, გამომდინარე იმ მდგომარეობიდან, რა უხერხულ მდგომარეობაშიც ჩავარდა ზოგიერთი ქართველი მაყურებელი, რომლებიც ჰოლივუდელი არტისტების მიერ ნათამაშებ ეროტიკულ სცენებს, რატომღაც უხერხულად არ აღიქვამენ.
- ბევრი დუბლი დაგჭირდათ ამ სცენის თამაშისას?
- ფილმში როგორც ნახეთ ნაჩვენებია ერთი სექსუალური ''აქტი''. ასე რომ ერთი სექსუალური აქტის თამაშს ორი დუბლი არ სჭირდება.
- სამწუხაროა, რომ თქვენი გმირი მოკლეს. კარგი იქნებოდა, ბოლოს კეთილი გამხდარიყო.
- ჩემთვისაც სამწუხაროა. კეთილი? არაააა.
- რატომ ვერ გახდებოდა?
- იმიტომ (იცინის).
მერი კობიაშვილი
