კოტე თოლორდავა მეოთხე შვილის, ელენე-ლოლიტას დაბადებას ვერ მოესწრო. ჟურნალ "სარკესთან" განო მელითაურის დედა თინა მენაბდე ამბობს, რომ ახალშობილი მამამისს ძალიან გავს.
გთავაზობთ ჟურნალ „სარკეში“ გამოქვეყნებული ინტერვიუს მოკლე ვერსიას.
- ბავშვი 3 ოქტომბერს გაჩნდა, 3 კილო, 350 გრამი და 51 სმ. განოს საკეისრო კვეთამ გართულებების გარეშე ჩაიარა, გოგონა ძალიან ლამაზია, ელენე-ლოლიტა დავარქვით. ელენე ბებიის, კოტეს დედის პატივსაცემად დავარქვით, რაც შეეხება ლოლიტას, ეს სახელი განოს უნდოდა.
დიდი ხნის
უფრო მამამისს, კოტეს ჰგავს. ძალიან საყვარელია, სრულიად განსხვავებულია და-ძმებისგან. ისინიც ძალიან ლამაზები არიან, მაგრამ ეს რაღაცნაირად დამოუკიდებელია, უკვე პერსონაა. მტირალა არ არის, თავისთვის წყნარადაა, ოდნავ წამოიტირებს მაშინ, როცა შია.
- რამდენადაც ვიცი, კოტემ ბავშვის სქესი არ იცოდა, არა?
- თუ არ ვცდები, პირველ ექოსკოპიაზე განოს უთხრეს, რომ ბიჭი დაიბადებოდა. მერწმუნეთ, კოტესთვის სულ ერთი იყო, გოგო დაიბადებოდა თუ ბიჭი, რადგან გოგოც ჰყავდა და ორი ბიჭიც.
- განო ახლა როგორ გრძნობს თავს?
- ემოციურად მძიმე და დატვირთული ფონი აქვს. ამ თემაზე საუბარი საერთოდ არ მინდა. ძალიან ცუდადაა, მეტის თქმა არ შემიძლია.
- ახლახან კოტეს ამერიკული ჯილდო გადაეცა რეჟისორ ლევან ბახიას ფილმში მამაკაცის საუკეთესო როლის შესრულებისთვის, ეს თქვენთვის სიხარულთან ერთად ალბათ უფრო დიდი ტკივილი იყო...
- პირველი, ვინც ეს გაიგო, განო იყო. ბევრი იტირა... საქართველომ ძალიან ნიჭიერი მსახიობი დაკარგა.
- როგორია თქვენი ოჯახის ცხოვრება კოტეს შემდეგ?
- მე პირადად ამ წამსაც ეს კოტეს მიერ გათამაშებული სპექტაკლი მგონია. მგონია, კარზე ახლა დააკაკუნებს და შემოვა. უბრალოდ, ვერ ვიჯერებ, რომ ეს ადამიანი აღარ არის... ბავშვები კოტეს ძალიან ხშირად კითხულობენ, განსაკუთრებით - თარაში. მამა წავიდა, ზეცაშია, იქიდან მიყურებსო, ამბობს. ერთხელ ვიღაცამ კითხა, სად წავიდაო და ღმერთმა წაიყვანაო, უთხრა. მამა მიყურებს, მამა მიცავს და მიფარავსო, ამბობს. ტასო მამაზე არ საუბრობს, რადგან ძალიან განიცდის.
- განოც არ საუბრობს ამ თემაზე?
- არა, განო ძალიან ჩაკეტილია. ამ თემაზე ჩემთან არ საუბრობს და არც არავისთან.
ჟურნალი „სარკე“