ჯუზეპე ლიკასთან ერთად სწავლობს ნიუ-ორკში, წარმოშობით იტალიელია დაახლოებით ერთი წლის წინ ლიკა ლაბაძე ნიუ-იორკის დრამატული ხელოვნების, კინოსა და ტელევიზიის კონსერვატორიაში წავიდა სასწავლებლად. ხშირად წერდნენ, რომ ლიკას სილამაზე დააკლდა ქართულ ტელევიზიას. 

რამდენიმე დღის წინ ლიკა საქართველოში ჩამოვიდა. ''იმედის დილის'' ეთერში სტუმრად მიიწვიეს, სადაც რამდენიმე წლის განმავლობაში იყო წამყვანი და გაამხილა, რომ ამერიკაში თავისი ცხოვრების სიყვარულს შეხვდა. ''ამერიკაში წასვლა იმიტომ ღირდა, რომ ჯუზეპეს შევხდი'', - აღნიშნა ლიკამ. 

ჯუზეპე ლიკასთან ერთად სწავლობს ნიუ-ორკში, წარმოშობით იტალიელია.  სასწავლებელში ჩასვლა  ერთი კვირით დააგვიანდა. აუდიტორიაში რომ შევიდა, მაშინვე მიიქცია სასიამოვნო ღიმილით ყველას ყურადღება. მათ შორის იყო ლიკაც.



წარმოშობით იტალიელი ჯუზეპე საფრანგეთში სწავლობდა. პროფესიით ინჟინერია, პარალელურად
16 წლიდან იყო მსახიობი და მოდელი. შარშან გადაწყვიტა ძალები ამერიკულ კინო ინდუსტრიაშიც მოესინჯა.


ლიკა და ჯუზეპე მალე დამეგობრდნენ, მაგრამ ოთხი თვის შემდეგ მიხვდნენ, რომ მათ შორის მეგობრობაზე უფრო მეტი ხდებოდა.

ჯუზეპემ ლიკა მიუზიკლ ''ჩიკაგოზე'' დაპატიჟა. როდესაც დარბაზში ისხდნენ, მაშინ მიხვდა ორივე, ერთმანეთი მოსწონდათ.

ლიკა და ჯუზეპე დანიშნულები არიან. ლიკა ამბობს, რომ ძალიან ბედნიერია და იმედი აქვს, რომ მთელი ცხოვრება მასთან გაატარებს.

ჯერ გადაწყვეტილი არ აქვთ, რომელ ქვეყანაში იცხოვრებენ, მხოლოდ ის იციან, რომ ერთად ყოფნა ძალიან უნდათ. 

სალომე დადიანი