შეხვდა თუ არა ბექა მისი ცხოვრების მთავარ სიყვარულს, ამას დრო გვიჩვენებს ცოტა ხნის წინ ცნობილი გახდა, რომ ბექა ხოფერიას, რომელიც სასწავლებლად მოსკოვში წავიდა, ახალი შეყვარებული ჰყავს.
მისი რჩეული ნახევრად ასირიელი ოგონა ინა ოსიპოვაა.

საქართველოში ბექას ახალ სიყვარულს ბევრი სკეპტიკურად შეხვდა და ამბობენ, რომ ეს მისი მორიგი გატაცებაა და მალე ახალ გოგონას იპოვის.

თუმცა თავად ბექამ ''რეიტინგთან'' ინტერვიუში აღნიშნა, რომ ზუსტად იცის, ინა ოსიპოვასთან მთელი ცხოვრება ერთად იქნება.

შეხვდა თუ არა ბექა მისი ცხოვრების მთავარ სიყვარულს, ამას დრო გვიჩვენებს. მანამდე კი წყვილი ერთად თავს რომ არაჩვეულებრივად გრძნობს, ეს ბექას სოციალური ქსელიდანაც კარგად ჩანს.

30 აპრილს ბექას დაბადების დღე აქვს. ერთ-ერთმა პირველმა მისმა შეყვარებულმა მიულოცა.

ბექამ შეყვარებულის საჩუქრის ფოტო ''ფეისბუქზე'' ატვირთა და დაწერა: ''ჩემი გოგოს საჩუქარი. მიყვარხარ.''



ბექა თიკა ჯამბურიას ყოფილი ქმარია და დღემდე წერდნენ, რომ ისინი შეიძლება, შერიგებულიყვნენ. თავად თიკაც ამბობდა, რომ შესაძლოა, ბოლოს ერთად ყოფილიყვნენ. ბექას ამ შემთხვევაში როგორც ჩანს, თიკასგან განსხვავებული აზრი აქვს.

სალომე დადიანი