მანამდე კი სოციალურ ქსელში კიდევ ერთი პროვოკაციული სტატუსი გამოქვეყნა მუსიკალურ პროექტ ''ორ ვარსკვლავში'' მიმდინარე მოვლენების პარალელურად საინტერესოდ ვითარდება მოვლენები სოციალურ ქსელში.

მას შემდეგ რაც პროექტი მიკა ჯეჯელავამ დატოვა, მომღერალმა ლიზა ყენიამ პროტესტი ჟიურის მისამართით ასე გამოხატა და ქავერად დათო გომართელის ფოტო დააყენა. მანამდე კი სტატუსი დაწერა, ''დათო გომართელის თავი უფრო ნათელია, ვიდრე ჩემი მომავალიო''.

ლიზა ყენია, მართალია, თავის ნათელ მომავალზე კარგად ხუმრობს, მაგრამ საკუთარ თავზე ბევრს მუშაობს. სულ ვარჯიშობს და სხვადასხვა პროექტებში მონაწილეობს.

''ახალი ხმაში'' და ''ერთი ერთში'' წარუმატებელი გამოსვლის შემდეგ ლიზა ''X ფაქტორში'' ცდის ბედს. რადგან მაია ჯაბუას შვილია, არ უნდა რომ ვინმე დედის გავლენის ქვეშ მოექცეს და მისივე სურვილით სხვა სახელით და გვარით გამოვიდა სცენაზე. ლიზა სცენაზე გასვლის წინ ისე გარდაისახა, რომ ანრი ჯოხაძემაც კი ვერ იცნო. საინტერესოა, ამჯერად რამდენად გაუმართლებს ლიზას.

მანამდე კი სოციალურ ქსელში კიდევ ერთი პროვოკაციული სტატუსი გამოქვეყნა:

მოკლედ, მინდა, რომ ყველას მოგმართოთ, ადამიანები, რომლებიც არ მიცნობენ და რაღაც წარმოდგენებს იქმნიან ჩემზე და სხვებსაც უქმნიან, მინდა მოგმართოთ. არ ვარ ბოროტი და ლაჩარი, და არც ვინმეზე მეტი მგონია თავი.

რეალურად კი ყოველთვის ასე ხდება, რაღაც ნაწილი რომ გამიცნობს, ვისაც ასეთი ვეგონე, მერე მეუბნებიან, რომ სხვანაირი ვყოფილვარ. ერთი ჩვეულებრივი ცანცარა, ოდნავ მძიმე ხასიათის გოგონა ვარ'' - წერს ლიზა.

სალომე დადიანი