წერდნენ, ერეკლე დეისაძესთან, რომელიც ''საიდუმლო სირობის'' ავტორია მამაო როგორ მეგობრობსო სოციალურ ქსელში ერეკლე დეისაძის, გუკა რჩეულიშვილის, მამა ანთიმოზის და მიშა მესხის საერთო ფოტოს გავრცელების შემდეგ მამა ანთიმოზს ბევრი აკრიტიკებდა. წერდნენ, ერეკლე დეისაძესთან, რომელიც ''საიდუმლო სირობის'' ავტორია მამაო როგორ მეგობრობსო. მამაომ სოცილურ ქსელში ამ თემაზე კითხვაც დასვა, "ვის გინდათ, რომ ერეკლე დეისაძე ჯოჯოხეთში მოხვდეს? ხელი აწიეთ. მე არ მინდა. მაქვს უფლება, არ მინდოდეს? ერთხელ და სამუდამოდ მოვიშოროთ ქართველებმა სიძულვილის ენა, ერთმანეთის განკითხვა, ლანძღვა-გინება და სიყვარულის ენაზე გადავიდეთ. იქნებ რამე გვეშველოს. არქიმანდრიტი ანთიმოზი (ივერიელი)..."

აგორებული სკანდალის შემდეგ მამა ანთიმოზს რამდენიმე კითხვით მივმართეთ.

- მამა ანთიმოზ, როდის გაიცანით ერეკლე დეისაძე?
- მიშა მესხი მეორესთან ვმეგობრობდი, მეგობრობა გავაგრძელე მის შვილთან - მსახიობ მიშა მესხთან. ერეკლე მიშას მეგობარია. მიშას სახლში გავიცანით ერთმანეთი.
- დიდი ხნის წინ?
- სამი თვის უკან.
- ერეკლე დეისაძის სკანდალური რომანი ''საიდუმლო სირობა'' გაქვთ წაკითხული?
- არა, მაგრამ გამიგია.
- და რაც გსმენიათ იქიდან გამომდინარე, რა აზრის ხართ?
- არ მომწონს. გაცნობის დროს თბილად მივიღე და ადამიანურად დაველაპარაკე. გაოცებული იყო. პირველად ვნახე მღვდელი ადამიანურად რომ მესაუბრებაო და დადებითად განეწყო ჩემს მიმართ.
- ამიტომ გაგიჩნდათ სოციალური ქსელით ერეკლეს დაცვის სურვილი?
- სურათი რომ გავრცელდა ერთი ამბავი ატყდა. მაშ შემდეგ სულ სკანდალებს ეძებენ.
- ერთ-ერთ ღონისძიებაზე ერეკლე დეისაძე, წლის სირცხვილად დაასახელეს. თქვენ მწერალს კარგად იცნობთ, როგორ დაახასიათებდით?
- კარგად არ ვიცნობ. თუმცა შემიძლია, ვთქვა, რომ გადამეტებულია ამ ბიჭის ლანძღვა და სატანად მოხსენიება. ვცდილობ, რომ აღსარების სურვილი გაუჩნდეს. ნიჭიერი ადამიანია. 20-იან წლებში საფრანგეთში გავრცელებულ დადაიზმს ბაძავს და ჯერ ბავშვია.

მერი კობიაშვილი