პრეზიდენტის პაროდისტმა, ქართლოს ნატროშვილმა გვითხრა, როგორც ვიცი, ნიკა ამჟამად თბილისში არ იმყოფება. ისე კი, პარასკვს ''კომედი შოუს'' ჩაწერაზე ვნახე და მშვენივრად გამოიყურებოდაო.
დღესვე ალეკო მალხაზიშვილმა ''ფეისბუქის'' თავის გვერდზე დადო ვიდეორგოლი წარწერით, - ''მერამდენედ მომიკლეს ბიჭი''. იუმორისტები ამ ყველაფერს იუმორისტულად მიუდგნენ. ვიდეორგოლში ნიკა არაბიძე ვახო ბიჭიკაშვილთან ერთად ამტკიცებს, რომ ნიკა ცოცხალია
ჩვენ ვახოს დავუკავშირდით და ამ ამბის გავრცელების მიზეზებზე ვკითხეთ.
ვახო ბიჭიკაშვილი:
- ახლა არაბიძეზე არ მკითხო შენც, როუმინგი მაქვს ჩართული და ბევრი მეწერება(იცინის).
- აბა, ვისზე გკითხო, გამოიგლოვა შენი მეგობარი მთელმა თბილისმა.
- არ დაიჯეროთ, ხალხო, კარგად არის, ცოცხალია და ახლა ერთად ვართ. გვაცალეთ, ბატონო, დასვენება.
- სად ხართ?
- ბოდრუმში ვართ, ვისვენებთ ოჯახებით. სხვათა შორის დღეს ნიკა იუბილარია.
- როგორ გგონია, რის საფუძველზე გავრცელდა ეს ინფორმაცია?
- აბა, მე რა ვიცი. პირველი შემთხვევა კი არ არის, ასე რიგ-რიგობით გვხოცავენ(იცინის).
- მადლობა დიდი, მაშ, დავამშვიდებ ერს.
ნინო მჭედლიშვილი