პროექტ ''ცეკვავენ ვარსკვლავებში'' სკანდალი ყოველ სეზონზე ხდება. არც მეხუთე სეზონი გახდა ამ მხრივ გამონაკლისი. პროექტი ქორეოგრაფებმა - საშამ, ალიონამ და დიმამ დატოვეს. მოცეკვავეები ყოველი ცეკვის შემდეგ მათ მადლობას უხდიდნენ, თუმცა ჟიურის წევრი გოჩა ჩერტკოევი ქორეოგრაფებისთვის შენიშვნის მიცემას არასდროს ერიდებოდა.
ცნობილი გახდა, რომ რომ ქორეოგრაფებსა და გოჩა ჩერტკოევს შორის მოხდა უთანხმოება, რის შემდეგაც პროექტი ქორეოგრაფების გარეშე დარჩა. ამბობენ, მათ მაგივრად მოცეკვავეებს გიგი გაჩეჩილაძე ამეცადინებსო.
- მზია, რა გახდა გოჩა ჩერტკოევსა და ქორეოგრაფებს შორის დაპირისპირების საბაბი?
- ეს ჩემი პრობლემა არაა და კითხვებზე პასუხს ვერ გაგცემთ.
ვესაუბრეთ პროექტის მონაწილე სალომე ჭაჭუას. რა თქმა უნდა, ყველას გაუჩნდა კითხვა მოახერხებს თუ არა სალომე გიგი გაჩეჩილაძესთან ერთ პროექტში ყოფნას და მისი დადგმული ცეკვების შესრულებას.
- სალომე, რატომ შეიცვალნენ ქორეოგრაფები პროექტში.
- მომხდართან დაკავშირებით საქმის კურსში არ ვარ და ვერანირ კომენტარს ვერ გავაკეთებ.
- მომდევნო ტურისთვის მზადება ჩვეულებრივ გრძელდება?
- რა თქმა უნდა, ყველა ძველებურად ვმეცადინეობთ.
- გავრცელებული ინფორმაციით გიგი გაჩეჩილაძე იქნება მთავარი ქორეოგრაფი.
- ამის შესახებ მე ჯერჯერობით არ მსმენია.
- ცეკვებს ვინ დგამს მომდევნო ტურისთვის?
- პირადად მე ჩემს მეწყვილეს მე თვითონ ვამეცადინებ და სხვების შემთხვევაში რა ხდება, არ ვიცი.
სალომე დადიანი
