ირაკლის ახლო მეგობარია და კაფესაც ოჯახთან ერთად ხშირად სტუმრობს მომღერალი წყალბურთელ ირაკლი კუტალაძის მოსკოვში მოღვაწეობა რამდენიმე წლის წინ საქართველოში ყველასთვის ცნობილი გახდა. ნინი ბადურაშვილთან დაშორების შემდეგ ირაკლიმ აქტიურად გააგრძელა მუშაობა საკუთარ ბარში, რომელსაც რატომღაც ''სექტემბერი'' ჰქვია. ირაკლი ქართველ ჟურნალისტებთან არ ურთიერთობს.

ირაკლის კაფეში ხშირად მართავენ კონცერტებს ქართველი მომღერლები. მათ შორის ერთ-ერთი პირველი იყო თაკო გაჩეჩილაძე.

თაკო აფიშის ფოტოზე საცურაო კოსტიუმით იყო და მაყურებლის კრიტიკა დაიმსახურა. კრიტიკა მხოლოდ მის ჩაცმულობას არ ეხებოდა. ქართველი მსმენელის ნაწილს არ მოეწონათ, რომ როდესაც ჩვენი ქვეყნის ტერიტორიების 20 პროცენტი რუსეთს ოკუპირებული აქვს, ქართველები მოსკოვში კონცერტებს მართავენ.



თუმცა ეს უკვე ძველი თემაა, რომელზეც ხელოვანებს და პოლიტიკოსებს საერთო აზრი არ აქვთ და ქართველი მომღერლების ნაწილი, გამომდინარე იქიდან, რომ ქართული ბაზარი ძალიან პატარაა, აქვთ თუ არა ამის სურვილი მოსკოვში მაინც მართავენ კონცერტებს.



ირაკლის კაფეში კონცერტი ჰქონდა მოსკოვში ახლახან გადაბარგებულ დათუნა მგელაძესაც, რომელსაც გადაწყვეტილი აქვს, რუსულ შოუბიზნესში დაიმკვიდროს სახელი და ''ახალ ხმაში'' მონაწილეობს. უკვე ცნობილია, რომ დათუნა დიმა ბილანის გუნდის წევრია და მომდევნო ეტაპისთვის ემზადება.



ირაკლის ახლო მეგობარია და კაფესაც ოჯახთან ერთად ხშირად სტუმრობს მომღერალი და შოუმენი აჩი ფურცელაძე.

საოცარია, მაგრამ კაფეში კონცერტი არ გაუმართავს ირაკლის ყოფილ მეუღლეს ნინი ბადურაშვილს. ამბობენ, ნინის და ირაკლის შორის უთანხმოების მიზეზი სწორედ კაფე ''სექტემბერი'' გახდაო. ირაკლი თურმე ძალიან დიდ დროს ატარებდა სამსახურში და ნინი კი სახლში ელოდებოდა.

სალომე დადიანი