ხვალიდან ბრინჯის დიეტას თუ არ დაიწყებ ხმას არ გაგცემ ცნობილია, რომ ბოლო დროს ქართველი ტელეწამყვანები წონაში დასაკლებად დიეტებს იცავენ. პერიოდულად სტატუსებს სოციალურ ქსელში აქვეყნებენ და საკუთარ დიეტებზე წერენ. მათ შორის გამორჩეულები არიან ინგა გრიგოლია და ნანუკა ჟორჟოლიანი.

ნანუკა დიდი ხანია რაც წონას ებრძვის და დიეტების გარდა მასაჟებსაც მიმართავს.

მიუხედავად იმისა, რომ მცდელობას არ აკლებს, ისიც უნდა აღვნიშნოთ, რომ ეკრანი ნებისმიერ
ადამიანს მინიმუმ ხუთ კილოგრამს უმატებს, ამიტომ წვალებით დაკლებული რამდენიმე კილოგრამი მაყურებლისთვის რთულად აღსაქმელია.

"ხვალიდან ბრინჯის დიეტას თუ არ დაიწყებ ხმას არ გაგცემ'' - ეს სტატუსი ინგას ქალიშვილმა დედას სოციალურ ქსელში გამოუქვეყნა. თუმცა ინგამ შვილის სტატუსის ქვეშ კომენტარი დაწერა, რომ დაბერდა და ვეღარ ქაჩავდა.

მარიამის სტატუსს უამრავი ადამიანი გამოეხმაურა და სთხოვეს, დაეწერა დიეტის შემადგენლობა.

დიეტა არც ისე მარტივია, ათი დღის მანძილზე მხოლოდ მოხარშული ბრინჯი უნდა მიირთვა. შეგიძლია დღეში ერთი ქვაბიც კი დააგემოვნო. დღის ნორმაა ასევე 1 ქილა მაწონი, რომლის გადანაწილებაც მთელ დღეზე შეგიძლიათ.

თუ დიეტის დაცვას გადაწყვეტთ, აუცილებლად უნდა მიიღოთ დღეში 3 ლიტრამდე წყალი.
როგორც ჩანს, დიეტა მართლაც ეფექტურია, რადგან სტატუსის ქვეშ ნანუკა ჟორჟოლიანის კომენტარიც აღმოვაჩინეთ.

"მეშვიდე დღეა ვიქცევი ისე, როგორც ჯარისკაცი. ანუ სრული სიზუსტით ვიცავ + მასაჟი = უკვე 6 კილოს. ინგა დაიწყე!!!'' - წერს ჟორჟოლიანი.

სალომე დადიანი