აღარ მაღიზიანებს, მივხვდი, რომ აზრი არ აქვს სალომე ტეტიაშვილმა ცოტა ხნის წინ ''ფეისბუქზე'' ახალი ფოტო გამოაქვეყნა. ფოტო ზღვის სანაპიროზეა გადაღებული. ცოტა ხნის წინ სალომემ ''რეიტინგთან'' მიცემულ ინტერვიუში საკუთარი დიეტის რეცეპტი გაამხილა. შავი ზღვის სანაპიროზე საცურაო კოსტიუმში გადაღებულ მომღერალს აშკარად ეტყობა დაკლებული წონა.

- სალომე სად ისვენებდი?
- ბათუმში ვიყავი. მეგობრებთან ერთად წავედი. ნაწილი ქობულეთში დაბინავდა, ნაწილი - ბათუმში, მაგრამ თითქმის ერთად გავატარეთ ეს ათი დღე.
- საცურაო კოსტიუმში გადაღებულ ფოტოებში აშკარად იგრძნობა შენი დიეტის შედეგი...
- მართლა? ძალიან მიხარია.
- სულ რამდენი კილოგრამი დაიკელი?
- არ ვიცი, ასე ხშირად არ ვიწონები.



- მეგობრებთან ერთად რთული იქნებოდა დიეტის დაცვა. ხომ არ გაგიჭირდა?
- ცოტა დავარღვიე, მაგრამ მსუბუქად. ახლა ჩვეულ რეჟიმში ჩავდექი.
- სალომე, შენს საცურაო კოსტიუმში გადაღებულ ფოტოებს ერთხელ უკვე მოჰყვა სკანდალი, რამაც ძალიან გაგაღიზიანა. რატომ გარისკე კვლავ მსგავსი პიკანტური ფოტოების გამოქვეყნება?
- აღარ მაღიზიანებს, მივხვდი, რომ აზრი არ აქვს. თავიდან მიჭირდა ჭორების მოსმენა, სისულეებს რომ წერდნენ, იმის ატანა. ახლა აღარ მაინტერესებს. წერონ რაც უნდათ, მე მომწონს ჩემი ზღვის სანაპიროზე გადაღებული ფოტოები და კიდევ ბევრს იხილავთ.



- ის ძალიან მაღალი ბიჭი, შენთან ერთად რომ არის გადაღებული ფოტოებზე ზღვის სანაპიროზე, ვინ არის?
- ჩემი უახლოესი მეგობარია, თოკა შენგელია.
- კიდევ აპირებ სადმე წასვლას თუ ამით დავმთავრდა შენი დასვენება?
- ბათუმიდან რომ ჩამოვედი, მეგობრის აგარაკზე ვიყავი რამდენიმე დღით და კიდევ ვაპირებ წასვლას. ზოგადად სოფელი ბევრად მირჩევნია ზღვის სანაპიროს.

ნინო მჭედლიშვილი