საშინლად არ მომეწონა ჩემი გამოსვლა. ეს იყო კატასტროფა, თავის გაბანძება ანჩო დოლიძე პროექტ "იქს ფაქტორ"-ის ერთ-ერთი მონაწილე გახლავთ, რომელიც საზოგადოებამ პროექტ ''ახალი ხმიდან'' გაიცნო. ანჩოს გამოსვლა ''რუსთავი 2''-ზე გუშინ პირველ საკონკურსო ტურში აჩვენეს.

სტეფანემ ანჩოს უთხრა, რომ სწორედ მისი სიგიჟისთვის გადაიყვანდა შემდეგ ტურში.

ანჩომ კონკურსის შემდეგ სოციალურ ქსელში სკანდალური სტატუსი გამოაქვეყნა:

"არ შემიძლია არ გავაკეთო კომენტარი ''იქს ფაქტორთან'' დაკავშირებით. ისე დაამონტაჟეს ყველაფერი ისეთი შთაბეჭდილება დამრჩა რომ ჩემი გაფუჭება უნდოდათ. არ აჩვენეს ის კადრები, რომელიც მართლა კარგი იყო დაჭრეს სიმღერა. სიმღერა რომელიც თვითონ შემირჩიეს:))

და კიდევ 283792873 რაღაც არის, რაზეც აღარ დავკონკრეტდები. ჩაცმულობა, რომელზეც ძალიან ვიბრძოლე და მაინც ის ჩავიცვი რაც მინდოდა და არა ის, ყველას ერთნაირად რომ აცმევდნენ - ჯინსის ქურთუკი, კაბა, ქუსლი.

საშინლად არ მომეწონა ჩემი გამოსვლა. ეს იყო კატასტროფა, თავის გაბანძება. გეგა ფალავანდიშვილის არაკაცურ ქცევაზე ხომ საერთოდ ლაპარაკი ზედმეტია. მხოლოდ სტოპას ვცემ პატივს მეტს არავის.

დანარჩენზე აღარ ვლაპარაკობ, ეს არის სამარცხვინო პროექტი და ძალიან ვნანობ რომ მივიღე მონაწილეობა"- წერს ანჩო.