სააგენტოებმა რომ აღარ დამირეკონ და საქმე გავუადვილო, აქვე დავწერ. დავაარსე დამოუკიდებელი საგამოძიებო ჯგუფი რამდენიმე კვირის წინ ხმა გავრცელდა, რომ ''პირველი არხიდან'' გამოშვებული ეკა კვესიტაძე ''რუსთავი 2''-ზე იწყებდა მუშაობას. თავიდან ამბობდნენ, რომ ''კურიერ პ.ს.''-ში დათო კიკალიშვილის თანაწამყვანი გახდებოდა.

იმასაც ამბობდნენ, რომ ნაციონალების მხარდამჭერების ერთ ტელევიზიაში თავმოყრა საშიში იქნებოდა ხელისუფლებისთვის და ''რუსთავი 2'' სერიოზულ იარაღად იქცეოდა.

როგორც ჩანს, ეკა კვესიტაძის ''პ.ს''-ის თანაწამყყვანობის თემა განხილვის საგანი დიდხანს არ ყოფილა. ''პ.ს''-ის წამყვანი დათო კიკალიშვილი ჟურნალ ''რეიტინგთან'' ინტერვიუში დელიკატურად აღნიშნავდა, რომ ეს იდეა, მაინცდამაინც არ მოსწონდა.

''გამიხარდება თუ ეკა ''რუსთავი 2''-ში დაიწყებს მუშაობას, მაგრამ მას ყოველთვის ანალიტიკური გადაცემები მიჰყავდა და ''პ.ს''- ში ვერ წარმომიდგენიაო'', ამბობდა.
დღეს კი ცნობილი გახდა რომ ეკა კვესიტაძის გადაცემა უახლოეს მომავალში გავა ეთერში. ამის შესახებ ეკამ ''ფეისბუქზე'' დაწერა.

''სააგენტოებმა რომ აღარ დამირეკონ და საქმე გავუადვილო, აქვე დავწერ. დავაარსე დამოუკიდებელი საგამოძიებო ჯგუფი, რომელმაც კონტრაქტი დადო ''რუსთავი 2''-თან.
გადაცემა იქნება ანალიტიკური, საგამოძიებო ელემენტებით და ერქმევა ''განსხვავებული აქცენტები''. ჯერ პერიოდულობა ზუსტად არ ვიცით. თვეში ერთხელ ან ორჯერ გავა ეთერში კვირა დღეს. დიდი მადლობა ყველას, ვინც ამდენი ხნის განმავლობაში მწერდა და მგულშემატკოვრობდა''.

სალომე დადიანი
სპეციალურად ''რეიტინგის'' საიტისთვის