სტეფანე მღებრიშვილი:
- დღეს ჩამოვფრინდი, არ ვიყავი საქართველოში. ვიცი რომ ძალიან მაგარი ბავშვები მოვლენ, დიდი მოლოდინი მაქვს. პროფესიონალები აკეთებენ ამ შოუს და
- უკვე გვაქვს.
- დაგვიბრუნეს? აი, რამდენ რამეს ჩამოვრჩი. გპირდებით, რომ ყველაზე რეიტინგული იქნება ეს შოუ.
- რას ველოდოთ შენგან?
- სტეფანეს. მე თამაში არ შემიძლია, არც შოუსთვის. ეს ვარ რაც ვარ.
გიორგი გაბუნია:
- მოლოდინი დიდია. ჩვენ ვნახავთ ძალიან კარგ კონკურსანტებს, სასაცილო კონკურსანტებს, ისეთებს როგორებიც საინტერესო იქნებიან მაყურებლისთვის.
- მკაცრი იქნები?
- ვიქნები მკაცრი, მაგრამ სამართლიანი.
ფილარმონიაში შეკრებილ მაყურებელს სცენაზე პირველი ვანიკო თარხნიშვილი გამოეცხადა. როგორც შევიტყვეთ, ვანიკო ამ პროექტის ''სტაფის'' წევრია. თავიდანვე გაგვაფრთხილა, რომ ის წამყვანის ამპლუაში არ გამოსულა და ჟიურის წევრები წარუდგინა მაყურებელს.
სოფო ტოროშელიძემ, გიორგი გაბუნიამ, სტეფანემ და თამთა გოდუაძემ აპლოდისმენტების ფონზე დაიკავეს მათთვის განკუთვნილი ადგილები. ამასობაში პროექტის წამყვანები, გეგა ფალავანდიშვილი და ია სუხიტაშვილიც მოგვესალმნენ სცენიდან და პირველი კონკურსანტი წარადგინეს.
''ლ''-ებით ნამღერმა ქართულმა სიმღერამ ცოტათი გააღიზიანა სოფო ტოროშელიძე. მალე სცენა ჯანმრთელმა ახალგაზრდა ბიჭმა დაიკავა. მისმა შესრულებულმა ''რამშტაინის'' ერთ-ერთმა სიმღერამ შოკში ჩააგდო მაყურებელი.
ისეთი კონკურსანტიც ვნახეთ ზედმეტი მანერულობით რომ გამოირჩეოდა. პატარა გაუგებრობა მოხდა ერთ-ერთ კონკურსანტთან დაკავშირებით. იუმორით სავსე ახალგაზრდა ინგლისურის მასწავლებელმა ბიჭმა, რომელმაც საკუთარი სიმღერა შეგვისრულა, სიმღერაში ''დაუნი'' ახსენე, რითიც შეურაცხყოფა მიაყენა დაუნის სინდრომით დაავადებულებს.
ამან სტეფანე გააღიზიანა, რის შემდეგაც კონკურსანტს ბოდიშის მოხდამ მოუწია (სამჯერ). გიორგი გაბუნიამ კი ასე შეაფასა. ერთი რაღაცის ამოღება გიწევეს და ეგ არც ისე რთული უნდა იყოსო.
სანამ მხიარული ინგლისურის მასწავლებელი რამეს ამოიღებდა სცენა გურჯაანელმა ბიჭმა, ლევან ყანდაშვილმა დაიკავა, რომელსაც საგულშემატკივროდ რაიონიდან ბებია-ბაბუა გამოჰყოლიან. სცენაზე რომ დადგა, ვიფიქრე, ''კახეთო, ჩემო კახეთოს'' იმღერებდა, მაგრამ ისეთი შოკი დამართა ყველას თავისი ინგლისურენოვანი სიმღერით, სახის მიმიკებითა და მანერებით, ჟიური აპლოდისმენტები დიდხანს არ წყდებოდა.
ერთი სიტყვით სტარტი მართლაც ეფექტური იყო. ვნახოთ რა იქნება შემდეგ.
ნინო მჭედლიშვილი
სპეციალურად ''რეიტინგის'' საიტისთვის
