უშვილობის პრობლემა, რასაკვირველია, მხოლოდ ''უბრალო მოკვდავთ'' არ აღელვებთ. ჰოლივუდის ვარსკვლავებსა და სხვა ცნობილ ადამიანებს შორის მრავლად არიან ისეთები, ვისაც დედობის ბედნიერება არც ისე იოლად ხვდა წილად.
ზოგიერთებს საერთოდ არ შეეძლოთ ბავშვის
ხელოვნური განაყოფიერების გზით გააჩინა თავისი პირველი შვილი 36 წლის ჯუდი ფოსტერმა. მეორე რომ ეყოლა, 39 წლის იყო. მამების ვინაობა უცნობია, თუმცა ცნობილია ის, რომ ორივე შემთხვევაში ჯუდიმ ხელოვნურ განაყოფიერებას მიმართა.
ასეთივე მეთოდით გახდა დედა ჯულია რობერტსი. მსახიობი მაშინ 37 წლის იყო და ტყუპი ქალ-ვაჟი სწორედ ხელოვნური ჩარევის შედეგად გააჩინა.
ასევე, მხოლოდ ხელოვნური განაყოფიერების მეშვეობით გახდა დედა სელინ დიონი. თანაც, ორჯერ. 26 წლისამ პირველი შვილი გააჩინა, ათი წლის შემდეგ კი იმავე მეთოდით - ტყუპი.
ასევე ხელოვნური განაყოფიერების გზით გააჩინეს ტყუპი შვილი მომღერლებმა ჯენიფერ ლოპესმა და მერაია კერიმ. ანჯელინა ჯოლის პირველი შვილის გაჩენის შემდეგ მეორედ დაფეხმძიმების პრობლემა ჰქონდა და ექიმებს მიმართა. ასე მოევლინა ქვეყანას მისი ტყუპი ქალ-ვაჟი.
მრავალშვილიანმა ვარსკვლავებმა ვიქტორია და დევიდ ბექჰემებმაც გამოიყენეს ხელოვნური განაყოფიერება და სწორედ ამგვარად გაჩნდა მათი ერთადერთი ქალიშვილი ჰარპერ სევენი.
რაც შეეხება სუროგატი დედის მომსახურებას, ესეც აპრობირებული მეთოდია ვარსკვლავებს შორის. ერთ-ერთი ბოლო იყო რეჟისორ ჯორჯ ლუკასისა და მისი ცოლის მელოდი ჰობსონის გადაწყვეტილება.
მხცოვანი ასაკის გამო წყვილმა გადაწყვიტა, სუროგატი დედის მომსახურებით ესარგებლა და 2013 წლის 9 აგვისტოს მათი ბავშვი მოევლინა ქვეყანას.
გასული წელი ამ მხრივ ასევე აღსანიშნავი იყო რუსეთის პრიმადონას ალა პუგაჩოვას და მაქსიმ გალკინისთვის, რომელთაც სუროგატი დედის დახმარებით ტყუპი შვილი გაუჩნდათ.
არც ალას ყოფილი ქმარი, ფილიპ კირკოროვი ჩამორჩა ''მოდას'' და სუროგატ დედას გააჩენინა შვილი.
მანამდე, მსახიობმა სარა ჯესიკა პარკერმა და მეთიუ ბროდერიკმა ისარგებლეს სუროგატი დედის მომსახურებით. სარას პირველი შვილი ჰყავდა, მეორედ დაორსულების კი შეეშინდა და სუროგაციის წყალობით ორი ჯანმრთელი შვილი გაუჩნდა.
მსახიობი ნიკოლ კიდმანი ჯერ კიდევ ტომ კრუზთან ცხოვრების დროს ვერ ფეხმძიმდებოდა. ამის გამო წყვილმა ორი ბავშვი იშვილა. მოგვიანებით, მუსიკოს კიტ ურბანთან თანაცხოვრების პერიოდში ნიკოლმა გადაწყვიტა, სუროგატი დედის მომსახურებით ესარგებლა. ასე გახდა ნიკოლი ორი ღვიძლი შვილის დედა.
ბოლო დრომდე ყველამ იცოდა, რომ შერონ სტოუნის სამივე შვილი აყვანილი იყო. ახლა კი გაირკვა, რომ მეორე ვაჟი შარონს სუროგატი დედისთვის გაუჩენინებია.
რობერტ დე ნიროს ექვსი შვილი ჰყავს, აქედან სამი - სუროგატი დედისგან. უკანასკნელად მსახიობი 68 წლის ასაკში გახდა მამა.
ცნობილ ფეხბურთელ კრიშტიანო რონალდოს 2010 წელს გაუჩნდა შვილი სუროგატი დედისგან.
თავიანთი ორიენტაციის გამო (როგორც ცნობილია, ისინი ღია გეები არიან), ასევე სუროგატი დედის მომსახურებით ისარგებლეს ელტონ ჯონმა და რიკი მარტინიმ. ელტონ ჯონი და მისი მეორე ნახევარი უკვე ორი შვილის მშობლები არიან.
ასევე ორი შვილი - ტყუპი ჰყავს რიკი მარტინის, რომელიც შვილებს თვითონ ზრდის და ამბობს, რომ ამით დიდ ბედნიერებას იღებს.
ქეთი მელაძე
სპეციალურად ''რეიტინგის'' საიტისთვის