გუშინ გავრცელდა ინფორმაცია, რომ მომღერალ მარიკა თხელიძის მამიდა, პოლიტპატიმარი ნანა თხელიძე, მარინა ბერიძეს ხელების დამტვრევითა და გალახვით ემუქრებოდა, რადგან მან საახალწლო კონცერტიდან მარიკა თხელიძე ''ამოიღო''.
ამ ფაქტის
გადავწყვიტეთ კომენტარზე მარიკა თხელიძეს დავკავშირებოდით და მასთან სახლში დავრეკეთ. მომღერალი სახლში არ აღმოჩნდა, ტელეფონს კი მარიკას მამიდამ, ნანამ უპასუხა, რომელმაც გვითხრა, რომ მისთვის გვეკითხა რაც გვაინტერესებდა...
- ქალბატონო ნანა, მარინა ბერიძე აცხადებს, რომ საახალწლო კონცერტის სამზადისში მას არანაირი წვლილი არ შეაქვს და ამ შოუზე ''ალტერვიჟენი'' მუშაობს, მაშინ რატომ ბრაზობთ მასზე?
- როგორ გეკადრებათ, ვისია შ.პ.ს. ''ალტერვიჟენი''? აჩიკო გულედანის, რომელიც წინა ხელისუფლების ხელშეწყობით, დღევანდელი ხელისუფლების საწინააღმდეგო კონცერტებს მართავდა.
მოგეხსენებათ, მარინა ბერიძეც და აჩიკო გულედანიც ''ნაციონალების'' მხარდამჭერები არიან და როგორც ნაციონალები, მე მიპირისპირდებიან. დღესაც ისინი წყვეტენ, ვინ მიიღოს მონაწილეობა კონცერტში და ვინ არა. მე გახლავართ ორგანიზაცია ''სამოქალაქო სოლიდარობის'' დაფუძნებელი, უფლებადამცველი, რომელიც ვიცავ მოქალაქეების უფლებებს და ამიტომაც გავახმაურე ეს საქმე. მიშას მთავრობის დროს პოლიტპატიმარი ვიყავი, ახლა რაღა უნდათ, რატომ მებრძვიან? მარტო მარიკა კი არ ამოიღეს სიიდან, თიკა ჯამბურია, კახა კუხიანიძე, ''ფორტე'', მაგრამ მგონი ''ფორტე'' მერე ისევ ჩასვეს... მარინა ბერიძე ახლა რომ აცხადებს - მე არ ვაკეთებ კონცერტსო, აბა, ვინ აფინანსებს ამ ყველაფერს?
- კულტურის სამინისტრო..
- ჰოდა, სჯერა ვინმეს, რომ ფულს იხდიდეს რაღაცაში და არ ინტერესდებოდეს შიდა სამზარეულოთი?
- ანუ, თქვენ მაინც ამბობთ, რომ მარინა ბერიძე მონაწილეობს მომღერალთა სიების შედგენაში?
- კი, რა თქმა უნდა ასეა.
- თავად მარიკა რას ამბობს ამ ყველაფერთან დაკავშირებით?
- არ მაინტერესებს მე რას ამბობს მარიკა. მე, როგორც უფლებადამცველი ვიცავ მის უფლებებს.
- როგორ ვიცით, მარინა ბერიძეს უნდა შეხვედროდით. რატომ არ შედგა შეხვედრა?
- ჯერ არ ვთვლი საჭიროდ მასთან შეხვედრას, კულტურის სამინისტროს წარმომადგენლებთან ვაპირებ საუბარს, მაგრამ თუ დაიმსახურებს მარინა ბერიძე, მართლა გავლახავ, არ ვემუქრები. დაანებოს თავი ახალგაზრდების ნერვების შლას, პირველად არ აკეთებს ამას.
- მარიკა და მარინა ბერიძე ხომ თანამშრომლები არიან კულტურის სამინისტროში, როგორ ფიქრობთ, ეს დაპირისპირება არ იქონიებს გავლენას მათ ურთიერთობაზე?
- თუ მარინა ბერიძეს შეგნება აქვს, არანაირი გავლენა არ უნდა იქონიოს.
ციცი ომანიძე
სპეციალურად ''რეიტინგის'' საიტისთვის
