სტატისტიკურად დამტკიცებული ფაქტია, რომ ყველა ადამიანისთვის საყვარელი მსახიობი, მომღერალი ან მოდელი ისაა, რომელშიც საკუთარ თავს, გარკვეულ მსგავსებებს ხედავს. ასევე, აღსანიშნავია, რომ უმეტესად ქერა ქალბატონებს, ქერები მოსწონთ, შავგვრემნები კი მუქ ტონალობებს ანიჭებენ უპირატესობას.
არსებობს თეორია, რომლის თანახმადაც ყველა ადამიანს ჰყავს 7 ორეული დედამიწაზე.
კრისტი ყიფშიძე მოდელი, რომელიც 30 წელს გადაშორებულია და კვლავ შესანიშნავად გამოიყურება. ის ქართული პოდიუმის ვარსკვლავია. კრისტი ყიფშიძისა და პენელოპე კრუსის მსგავსება უდავო და აშკარაა, ისინი ერთმანეთს ორეულებივით ჰგვანან.
ასევე შესამჩნევია მსგავსება ნუკი ყარალაშვილსა და ირინა შეიკს შორის, ერთნაირი შარმი და ქარიზმა, ღია ფერის თვალები მუქი თმა. ნუკი ყარალაშვილმა 2015 წელს "მის საქართველოს" წოდება მიიღო და ჩვენი ქვეყანა წარადგინა საერთაშორისო კონკურსზე. მოდელს პროექტ "ცეკვავენ ვარსკვლავების" პრომოში ზუსტად ირინა შეიკივით ეცვა, რამაც მსგავსება უფრო შთამბეჭდავი გახადა.
დებ გაჩეჩილაძეებს მაყურებელი ბავშვობიდან იცნობს. ნინო გაჩეჩილაძე საზოგადოებას განსაკუთრებით "ჩემი ცოლის დაქალებში" კატოს როლის დამსახურებით შეუყვარდა. ნინოსა და ოდრი ჰეპბერნის მსგავსებაც განსაკუთრებით თვალშისაცემი ნინოს ლუქის დამსახურებით გახდა. ერთნაირი მაკიაჟი და ვარცხნილობა ხაზს უსვამს ისედაც საკმაოდ შესამჩნევ მსგავსებას.
შორენა ბეგაშვილის, საქართველოს სექსსიმბოლოს, ელეგანტური და სექსუალური მსახიობისა და მონიკა ბელუჩის მსგავსებაც არაერთხელ აღნიშნეს. ისინი ორივენი შავგვრემნები არიან, თლილი ნაკვთები და ქალური ფორმები კი ორივეს განსაკუთრებულად მიმზიდველს ხდის.
ეკა ქუთათელაძემ 2014 წელს მონაწილეობა მიიღო ბულგარეთში ჩატარებულ კონკურს ''მის პლანეტაში'', სადაც 45 მონაწილეს შორის საუკეთესო ტოპ-მოდელის სტატუსი მოიპოვა მას უკვე ყველა იცნობს, როგორც ქუთაისელ ანჯელინა ჯოლის. პრესაში თუ სოციალურ ქსელში, სადაც ეკა ქუთათელაძის სახელსა და გვარს შეხვდებით, იქვე აუცილებლად წაიკითხავთ ჰოლივუდის ვარსკვლავის, მსოფლიოში ულამაზეს ქალად აღიარებულის, ანჯელინა ჯოლის სახელსაც.
მერიემ კაკაურიძე
