გადაცემა ''შუა დღის'' ეთერში ნიკა გვარამიამ მარინა ბერიძეს ბოდიში მოუხადა. ტელეკომპანია ''რუსთავი 2''-ის გენერალურმა დირექტორმა აღნიშნა, რომ ის ეთერში სპეციალურად ბოდიშის მოსახდელად შევიდა.

როგორც ცნობილია, ნიკა გვარამიამ ალტისტ გიორგი ცაგარელის გამო, მარინა ბერიძეს უსაყვედურა, ''ამ ნაბოზარ შიზოიდს რატომ დაათრევ ჩვენს ეთერში და რატომ აპიარებ, მარინა ბერიძე? ტრ... გაითხაროს თავისი ალტი ხემიანად'', წერდა გვარამია ფეისბუქზე. (იხილეთ სკანდალის დეტალები)

მეორე დღეს კი პირდაპირ ეთერში მან ბოდიში მარინა ბერიძეს შემდეგი სიტყვებით მოუხადა.

"მარინას ვაწყენინე და მინდა ბოდიში მოვუხადო, არაფერ შუაში არ იყო მარინა და ჩემი განზრახვაც არ იყო, რომ მას სწყენოდა, თუმცა მინდა ვთქვა პირდაპირ ეთერში, რომ ნებისმიერ ადამიანს შეუძლია ნებისმიერი რამე თქვას ''რუსთავი 2''-ზე.

პირადად ჩემზე, ჟურნალისტებზე და ასე შემდეგ, მაგრამ არასდროს ჩვენ არ მივესალმებით იმ ადამიანების მხრიდან ჟურნალისტების უხამს მოხსენიებას, რომელსაც ვემსახურებით მათ წარმოჩენას, მათ პუბლიკამდე მიტანას, პოპულარიზაციას და ა.შ."- აღნიშნა ნიკა გვარამიამ.