ბექა ჩხაიძე დაქორწინდა, ჯგუფ "ალილოს" ერთ-ერთი წევრის რჩეული შინაგან საქმეთა სამინისტროს თანამშრომელი თეონა ჯაფარიძეა.

ბექა თბილისში ერთ-ერთ სასურველ სასიძოდ ითვლებოდა. მისი სასიყვარულო ისტორიები ხშირად ხვდებოდა ყვითელი პრესის ფურცლებზე.

წლების წინ ბექა სკანდალში ბიზნესმენ ვანო ჩხარტიშვილის შვილის სიყვარულის გამო გაეხვა. წყვილი გაიპარა.

თუმცა, როგორც ამბობენ, ვანო ჩხარტიშვილმა შვილი აიძულა, ბექას წინააღმდეგ მიეცა ჩვენება. მაშინ ბექა ციხეში მოხვდა. ორთვიანი პატიმრობის შემდეგ ბექა გაათავისუფლეს.

მეორედ ბექას სიყვარულით ქართული პრესა მაშინ დაინტერესდა, როდესაც ის და მოდელი და ტელეწამყვანი ეკო ფანგანი ერთმანეთს ხვდებოდნენ.

ურთიერთობა ქორწინებით არ დასრულებულა. როგორც ამბობენ, წყვილი ეკო ფანგანის ინიციატივით დაშორდა. მიზეზი კი ის გარემოება გახდა, რომ ბექა ქალებთან ფლირტს ვერ გადაეჩვია.

როგორც ჩანს, ამჯერად ყველაფერი ძალიან სერიოზულადაა. გავრცელებული ინფორმაციით ბექა და თეონა ერთმანეთი გასულ ზაფხულს საერთო მეგობარმა გააცნო. წყვილი ამჯერად გურიაშია. სოციალური ქსელის საშუალებით უამრავ მილოცვას იღებენ.