საქართველოში ნაადრევი ქორწინება ძალიანი აქტუალური პრობლემაა. ეს ხშირად ხდება ოჯახების დანგრევის მიზეზი. თუმცა, მედალს ორი მხარე აქვს, ნაადრევად შეუღლებული წყვილები ახალგაზრდა მშობლები ხდებიან და ზოგ შემთხვევაში, შვილი ახალგაზრდა მშობელს არათუ ხელს უშლის განვითარებაში, არამედ სტიმულს აძლევს. ამის თვალსაჩინო მაგალითები არიან, ქართველი ვარსკვლავები, რომლებიც ისევე ახალგაზრდულად გამოიყურებიან, როგორც მათი შვილები.

როცა, ცნობილი პოეტი ნიკო გომელაური და ეკა ნიჟარაძე დაქორწინდნენ, ეკა 19 წლის იყო. 20 წლის ასაკში ის ტასოს დედა, 2013 წელს კი, თინათინის ბებია გახდა. ბებიობის მიუხედავად მსახიობი ძალიან ახალგაზრდულად და მიმზიდველად გამოიყურება, ის და ტასო დებს უფრო ჰგვანან, ვიდრე დედა-შვილს.



თამთა გოდუაძე დიდი ხანია ბერძნული შოუ ბიზნესის ვარსკვლავია. ის უკვე რამდენიმე წელია ქართველმა მაყურებელმაც გაიცნო და შეიყვარა. თამთა საოცრად მომხიბვლელი და მოდურია. რაოდენ გასაოცარიც არ უნდა იყოს, ამ შესანიშნავ ახალგაზრდას 21 წლის მიმზიდველი ქალიშვილი ჰყავს. თამთა 14 წლის იყო, როცა ანი ხაჭვანი შეეძინა.



ქვეყნის პირველი ლედი მაკა ჩიჩუა საქართველოს პრეზიდენტთან მეორე ქორწინებაშია, მას ყოფილი მეუღლისგან ულამაზესი ქალიშვილი ჰყავს, მაშო. დედა-შვილი ერთმანეთს ძალიან ჰგვანან და ამის მიუხედავად, რთული სათქმელია, რომ დედა-შვილი არიან.

ნანუკა ჟორჟოლიანს ქართველი ტელე-მაყურებლი წლებია იცნობს. ნანუკა ძალიან ახალგაზრდა იყო, როცა პირველი ქალიშვილი, მარიამ გეგუჩაძე შეეძინა. მარიამი უკვე სტუდენტია, ნანუკასა და მარიამს შორის არ არის დიდი ასაკობრივი ინტერვალი, ამიტომ სულაც არ არის გასაკვირი, რომ ისინი დებივით არიან.

მარიამ გრიგოლია ცნობილი ტელე-ჟურნალისტის ინგა გრიგოლიას ქალიშვილია, ინგა ადრეულ ასაკში დაოჯახდა და ძალიან ახალგაზრდა გახდა დედა, ამიტომ ის და მისი ქალიშვილი უფრო დებს გვანან, ვიდრე დედა-შვილს.
























საშა პრიშვინმა ორ ულამაზეს გოგონას გადაუღო კეიტ მოსისნაირი ფოტო, რომელშიც ისინი შიშვლები არიან. რაოდენ გასაოცარიც არ უნდა იყოს ეს მიმზიდველი ახალგაზრდები კრისტი ყიფშიძე და მისი ქალიშვილი, ნატალია ყიფშიძე არიან. კრისტი და ნატალია ერთმანეთს ძალიან ჰგვანან.











































მაია ჯაბუას ქალიშვილს ლიზა ყენია ბავშვობიდან მღერის. პირველად ის მონაწილეობდა პროექტ "ანაბანაში", შემდეგ იყო ''ახალი საბავშვო ხმა", "ერთი-ერთში" და სხვა პროექტები. ლიზა უკვე გაიზარდა და მაყურებელმა ის სხვა რაკურსით დაინახა. დღეს უკვე აღარავის ახსოვს მისი საბავშვო პროექტები და ყველა ლიზა ყენიას სექსუალურობასა და მიმზიდველობაზე საუბრობს. რთულია ლიზასა და მაიაზე თქვა, რომ დედა-შვილი არიან.






















ეკა კახიანის შვილი, ნინი ბადურაშვილიც ღრმა ბავშვობიდან სცენაზე დგას. ეკა კახიანს წლები ვერაფერს აკლებს, ნინი კი წლების მატებასთან ერთად უფრო და უფრო დახვეწილი და ქალური ხდება.


შორენა ბეგაშვილის გარდასახვა დღემდე ძალიან აქტუალური თემაა. საქართველოს სექსსიმბოლო ერთ დროს სულაც არ იყო ასეთი სექსუალური. ულამაზესი მსახიობი ყოველთვის ყურადღების ეპიცენტრში იყო, კრიტიკის ობიექტიც ხშირად ხდებოდა. შორენას ულამაზესი ქალიშვილი ჰყავს, ევა. ამბობენ, რომ ევას სილამაზემ დედა დაჩრდილა.

კვალიაშვილების დინასტიის უნიჭიერესი და ულამაზესი წარმომადგენლები, ეკა და ნუკი კვალიაშვილები ერთმანეთს ძალიან ჰგვანან. ნუკის უკვე მეორე შვილი შეეძინა, რაც იმას ნიშნავს, რომ ეკა კვალიაშვილს, ორი შვილიშვილი ჰყავს.



















ნინო ცქიტიშვილი, იმის მიუხედავად, რომ 38 წლის ასაკში უკვე მეოთხე შვილის დედა გახდა, ძალიან მოდური და ეშხიანია. ის ძალიან ახალგაზრდა იყო, როცა ოჯახი შექმნა და პირველი ქალიშვილი შეეძინა, ამიტომ ნინო და მისი პირველი შვილი, თაკო ნაცვლიშვილი დებივით არიან.



სერიალ "ჩემი ცოლის დაქალები" მსახიობი ეკა ჩხეიძე დიდი ხანია აოცებს მაყურებელს გარეგნობით. მსახიობს ხშირად უთქვამს ინტერვიუებში, რომ მისი სილამაზე გენეტიკის დამსახურებაა. რამდენიმე დღის წინ ეკამ სოციალურ ქსელში შვილთან ერთად გადაღებული ფოტოები გამოაქვეყნა. ინანო დედას მართლაც ძალიან ჰგავს. სოციალურ ქსელში წერენ, დედა-შვილი ერთმნეთს ტყუპებივით გვანან. ძნელია, მათ არ დაეთანხმო.

მარიამ კაკაურიძე