ეს ნიღაბი გამოგადგებათ როგორც სახის, ისე ხელებისა და ფეხების კანის მოსავლელად. მასში შემავალი ინგრედიენტები კანს სიგლუვესა და სილამაზეს ანიჭებს, აქრობს წვრილ ნაოჭებს, აუფერულებს ლაქებს.

გარდა ამისა, აქვს სამკურნალო მოქმედებაც - იცავს კანს ინფექციებისგან და აღადგენს დაზიანებულ უბნებს. ამშვიდებს გაღიზიანებულ კანს და აცხრობს ანთებით პროცესს. ასუფთავებს ფორებს.

ინგრედიენტები:

1 სუფრის კოვზი იოგურტი დანამატების გარეშე.
1 სუფრის კოვზი თაფლი.
1 ჩაის კოვზი ლიმონის წვენი.

მომზადების წესი:

მომცრო ჯამში ერთმანეთში აურიეთ თაფლი და იოგურტი, დაამატეთ ახალგამოწურული ლიმონის წვენი და ისევ კარგად აურიეთ. უნდა მიიღოთ სქელი პასტის კონსისტენცია.

გამოყენების წესი:

ნიღაბი წაისვით კანზე და გაიჩერეთ 15 წუთით. შემდეგ ჩამოიბანეთ თბილი წყლით და შეიმშრალეთ, წაისვით დამატენიაბნებელი კრემი.

ნიღაბი გამოიყენეთ კვირაში 3-4-ჯერ, უმჯობესია დღის პირველ ნახევარში.

სოფიო ბულაური