თუ ტკივილი მენსტრუალური ციკლის დაწყებამდე ორო დღით ადრე იწყება, წამოვლითი ხასიათისაა, თავი გტკივათ და შეუძლოდ ხართ, მუცელსა და ფეხებზე ცხელი პირსახოცი ან ცხელი ქვიშით სავსე მოზრდილი ტომსიკები დაიდეთ. კარგია ფეხების დათბილვაც - ფეხების აბაზანა მთელ სხეულში მოგიხსნით დაძაბულობას.

• თუ საერთოდ მტკივნეული მენსტრუალური ციკლი გახასიათებთ, ტკივილის შესამცირებლად ყოველ საათში დალიეთ მეოთხედი ჭიქა მინდვრის შვიტის ნაყენი.
ნაყენის მოსამზადებლად 1 სადილის კოვზ ხმელ ნედლეულს დაასხით 1 ჭიქა მდუღარე წყალი.

• თერმოსში ჩაყარეთ 2 სადილის კოვზი ხმელი წალიკა და დაასხით 0,5 ლიტრი მდუღარე წყალი. დალიეთ 100 გრამი 3-ჯერ დღეში ჭამამდე.

• 1 ჩაის კოვზ ხმელ კულმუხოს ფესვს დაასხით 1 ჭიქა მდუღარე წყალი, გააჩერეთ ერთი საათით და გადაწურეთ. დალიეთ 1 სადილის კოვზი 3-ჯერ დღეში.

• ერთმანეთში აურიეთ 50 გრამი გვირილის ყვავილი, 5 გრამი დარიჩინი, 5 გრამი მიხაკი. აიღეთ 2 სადილის კოვზი ნარევი და დაასხით 0,5 ლიტრი მდუღარე წყალი. გააჩერეთ 1 საათით და გადაწურეთ. მენსტრუალური ტკივილების დროს დალიეთ მეოთხედი ჭიქა ჭამის წინ.

• თუ ტკივილი გაუსაძლისია, 1 სადილის კოვზ დაქუცმაცებულ მარწყვის ფოთოლს დაასხით 1 ჭიქა მდუღარე წყალი და დალიეთ 1 სადილის კოვზი 4-ჯერ დღეში.

• მენსტრუალური ციკლის დაწყებამდე 3-5 დღით ადრე თანაბარი რაოდენობით შეურიეთ ერთმანეთში წიწმატურა, ჩვეულებრივი მატიტელა და ფითრი. 2 სადილის კოვზ ნაზავს დაასხით 2 ჭიქა მდუღარე, გააჩერეთ 1 საათის განმავლობაში და გადაწურეთ. დალიეთ თითო ჭიქა 2-ჯერ დღეში ციკლის დასრულებამდე.

სოფიო ბულაური