ჯიბლიბო ქუთუთოს ცხიმოვანი ჯირკვლის მწვავე ჩირქოვანი ანთებაა. მისი თვითმკურნალობა და მით უმეტეს გამორწყვა არავითარ შემთხვევაში არ შეიძლება. თუმცა ხალხურ მედიცინაში არის რეცეპტები, რომელთა გამოყენებაც პრობლემის მოგვარებაში დაგეხმარებათ.

• გულყვითელას 10 ცალ გამხმარ ყვავილს დაასხით 200 მილილიტრი წყალი, გააჩერეთ სითბოში ნახევარი საათით, შემდეგ გადაწურეთ და გამოიყენეთ კომპრესის სახით.

• 2-3 დღის განმავლობაში ჯიბლიბოზე დროდადრო გარჩეული ნიორი წაისვით.

• 5-10 გრამ ველურ სელს დაასხით 200-250 გრამი მდუღარე წყალი. ნაყენი გამოიყენეთ კომპრესის სახით.

• ალოეს ერთი დიდი ფოთოლი (5 გრამი) კარგად დაჩეჩქვეთ, დაასხით 200 გრამი მდუღარე წყალი, გააჩერეთ 6 საათით, შემდეგ გაფილტრეთ. გამოიყენეთ კომპრესის სახით.

სოფიო ბულაური