ფილტვების დაავადებისას და ტუბერკულოზის დროს კარგ შედეგს იძლევა ხალხური რეცეპტებით მკურნალობა. შემოგთავაზებთ ხალხურ რეცეპტებს, რომლებიც ძალიან გაგიადვილებთ გამოჯანმრთელებას.

ტუბერკულოზი

230 გრამი თაფლი.

200 გრამი გადამდნარი ბატის ქონი.

15 სადილის კოვზი ალოეს წვენი.

150 გრამი კაკაოს ფხვნილი.

1,5 ჩაის კოვზი დანაყილი ცარცი.

3 ჭიქა გარჩეული კედრის თხილი (გაატარეთ ხორსაკეპ მანქანაში).

ყველა ინგრედიენტი კარგად აურიეთ ერთმანეთში, შემოდგით ორთქლის აბაზანაზე, მუდმივად ურიეთ და მიიყვანეთ ადუღებამდე ( არ აადუღოთ!) მიღებული მასა მოათავსეთ შუშის ქილაში და შეინახეთ მაცივარში.

მიიღეთ 4-ჯერ დღეში - 1 სადილის კოვზი გახსენით ერთ ჭიქა ცხელ რძეში. ერთი კვირის შემდეგ აშკარად იგრძნობთ ჯანმრთელობის გაუმჯობესებას.

ფილტვების ანთება (მძიმეც და ქრონიკულიც)

ერთმანეთში აურიეთ 50 გრამი კარგად გაქნილი ნიორი და 250 გრამი ბატის ქონი და რამდენიმე წუთით ორთქლის აბაზანაზე მოათავსეთ.

მიღებული ნაზავი სქლად წაუსვით პერგამენტის ქაღალდს და დაიდეთ გულმკერდის არეზე, ოღონდ მოერიდეთ გულის არეს. ზემოდან დაიფინეთ კომპრესის ქაღალდი (შეგიძლიათ ცელოფანიც გამოიყენოთ), კარგად დააფიქსირეთ და დაიტოვეთ მთელი ღამით.

სოფიო ბულაური