დიეტოლოგებმა შეადგინეს იმ პროდუქტების სია, რომლებსაც სწრაფი გახდომის მსურველები უნდა მოერიდონ.
აი, დიეტური პროდუქტები, რომლებიც სინამდვილეში, თურმე, სულაც არ ყოფილა დიეტური.
ყველი
ძნელია ამ პროდუქტს დაბალკალორიული უწოდო. 100 გრამი ყველი 400 კალორიას შეიცავს! ცხიმიანობა კი 33%-ს შეადგენს, ზოგჯერ - მეტსაც. თუ უცხიმო ყველს მიირთმევთ, იცოდეთ, რომ მისი კალორიულობა ბევრად
იოგურტი
ხშირად დიეტაზე მყოფი ქალბატონები დილას სწორედ ამ პრიდუქტით იწყებენ და აზრადაც არ მოსდით, რომ თითოეული ჭიქა იოგურტი დაახლოებით სამ კოვზ შაქარს შეიცავს. დიეტურ პროდუქტს შეიძლება მივაკუთვნოთ მხოლოდ შინ მომზადებული იოგურტი, მაღაზიაში ნაყიდი ამისთვის ნაკლებად გამოგადგებათ.
ხაჭო
რაოდენ გასაკვირიც უნდა იყოს, დაადგინეს, რომ ხაჭო შეიძლება შეშუპებისა და ცელულიტის წარმოქმნის მიზეზი გახდეს. ყველაფერი კი ლაქტოზის ბრალია, რომელსაც ხაჭო უხვად შეიცავს.
შავი შოკოლადი
მიუხედავად იმისა, რომ რძიანი შოკოლადი შეიძლება უფრო გემრიელად მოგეჩვენოთ, ორგანიზმისთვის შავი შოკოლადი უფრო სასარგებლოა. თუმცა არ უნდა დაგავიწყდეთ, რომ 100 გრამი შავი შოკოლადი 539 კალორიას შეიცავს. შედარებისთვის გეტყვით, რომ ნაღების კარაქი 750 კალორიას შეიცავს.
ღვინო
არ დაუჯეროთ მას, ვინც ამტკიცებს, რომ მშრალი ღვინო კალორიებს არ შეიცავს. მასში არის კალორიები და თან არცთუ ცოტა რაოდენობით. ასე რომ, მაინცდამაინც ნუ მიეძლებით, მით უმეტეს ყველთან ერთად, თორემ წელისა და თეძოების არეში დაგროვილ ცხიმს დიდხანს ვერ მოიშორებთ.
ყავა
დიახ, ყავა სუფთა სახით მართლაც არ შეიცავს კალორიებს, მაგრამ თუ თქვენ ლატე, კაპუჩინო ან ნაღებიანი ყავა გიყვართ, თანაც ტკბილი, 400 კალორია გარანტირებული გაქვთ. ეს დაახლოებით ერთ თეფშ ყველიან სპაგეტის უდრის.
ჩირი
ბევრს მიაჩნია, რომ ჩირი საუკეთესო საშუალებაა შიმშილის გრძნობის დასაცხრობად, თანაც დაბალკალორიულია და შეიძლება, რამდენიც გინდათ მიირთვათ. დიეტოლოგები ირწმუნებიან, რომ მთლად ასეც არ არის - შეგიძლიათ შიმშილის გრძნობა მოიკლათ, მაგრამ თუ გახდომას აპირებთ, ბევრი ჩირის ჭამა არ შეიძლება.
ომლეტი
კვერცხის ცილა ძირითად როლს თამაშობს კუნთოვანი მასის ფორმირების პროცესში, მაგრამ თუ ომლეტს ლორს, ყველსა და სხვა ინგრედიენტებს დაუმატებთ, ის აღარ იქნება დიეტური პროდუქტი.
სალათები
გგონიათ, რამდენიც უნდა ჭამოთ, სალათები არ გაგასუქებთ? სალათა არ გაგასუქებთ მაშინ, როცა ის მხოლოდ ახალი ბოსტნეულისგან შედგება. თუ მასში ზეთი, ხორცი, მაიონეზი და სხვა ინგრედიენტები ურევია, ზედმეტ კილოგრამებთან ბრძოლაზე არც იფიქროთ.
სუში
ყველას შურს აზიელი ქალბატონების სიგამხდრე. ცნობილია, რომ ეს მეტწილად მათი რაციონის დამსახურებაა, რომელიც ძირითადად თევზის, ბრინჯისა და წყალმცენარეებისაგან შედგება. აზიურ დიეტებში თევზი არის კიდეც რეკომენდებული, მაგრამ ჩვენში თევზი განსხვავებულად მზადდება, ამიტომ მის იმედზე ყოფნას არ გირჩევთ.
სოფიო ბულაური