1. უნივერსალური ნიღაბი

წმენდს სახის კანს, აქრობს პიგმენტურ ლაქებს, აახალგაზრდავებს, გაგანთავისუფლებთ გამონაყარისგან.
ბადიაგას ფხვნილს დაასხით ცხელი წყალი, მიიღეთ ფაფის მასა. მსუბუქი მოძრაობებით, თხლად წაისვით სახეზე. 10 – 15 წუთის შემდეგ ჩამოიბანეთ თბილი წყლით.

2. გაძლიერებული ვერსია - ბადიაგას ფხვნილი + ბადიაგას გელი

1 ჩ.კ ბადიაგას ფხვნილი გახსენით ცხელ წყალში, ისე რომ არაჟნის მსგავსი მასა მიიღოთ. დაუმატეთ 1 ჩ.კ ბადიაგას გელი. ნიღაბი გაიჩერეთ 10 – 15 წუთს. ჩამოიბანეთ თბილი წყლით.

3. ბადიაგასა და თიხის ნიღაბი პიგმენტური ლაქების წინააღმდეგ

ნიღაბი ნამდვილად გაგიწმენდთ კანს და არ ტოვებს სიწითლეს. თუმცა სასურველი ეფექტის მისაღებად აუცილებელია 10 -14 პროცედურა.
1 ჩ.კ ბადიაგას ფხვნილს შეურიეთ 2 ჩ.კ მშრალი, კოსმეტიკური თიხა, შავი ან თეთრი. აურიეთ, დაუმატეთ ცოტაოდენი ცხელი წყალი. წაისვით სახეზე თხლად. 20-30 წუთის შემდეგ კი სახე თბილი წყლით ჩამოიბანეთ. კურსი შედგება 6 – 8 პროცედურისგან.

4. ბადიაგასა და თაფლისგან დამზადებული ნიღაბი ასაკობრივი კანისთვის

1 ჩ.კ ბადიაგას გელს დაუმატეთ 1 ჩ.კ ნატურალური თაფლი. ნიღაბი გაიჩერეთ 10 – 15 წუთს. ჩამოიბანეთ თბილი წყლით.

5. ბადიაგა + წყალბადის ზეჟანგი - სახის ღრმა წმენდისთვის

ბადიაგას ფხვნილი გახსენით 3 %-იან წყალბადის ზეჟანგში და რეგულარულად ურიეთ. 2 -3 წუთის შემდეგ, როცა ბადიაგა აქაფდება, სახე ნიღბით დაიმასაჟეთ, არ შეეხოთ ტუჩებსა და თვალების მიდამოს. 15 -20 წუთის შემდეგ თბილი წყლით ჩამოიბანეთ.

ბადიაგას ნიღბები რეკომენდებულია ორი კვირის განმავლობაში. შემდეგ შეისვენეთ და აუცილებლობის შემთხვევაში კურსი კვლავ გაიმეორეთ.

ანა ვერძაძე