პრიმაბალერინა ირმა ნიორაძე რამდენიმე დღის წინ საქართველოში სტუმრად იმყოფებოდა. ანსამბლ "სუხიშვილების" კონცერტზე მის მიერ შესრულებული ''მუხამბაზმა'' ყველა აღაფრთოვანა.
არავინ ელოდა, რომ ბალეტის მოცეკვავე, ქართულს ასე კარგად იცეკვებდა. სცენაზე იდგა ასევე დიდი ბალეტის კიდევ ერთი ქართველი წარმომადგენელი ნინო ანანიაშვილიც. სხვათაშორის კოლეგები მეგობრობენ და ნინო ირმას შვილის ნათლიაა.
ირმა წლებია რუსეთში ცხოვრობს და იქ წარმატებით მოღვაწეობს. არაჩველებრივ ფორმაში ყოფნას კი დიდი ნებისყოფის წყალობით აღწევს.
''იმედის'' ეთერში სტუმრობისას ბალერინამ საზოგადოებას
როდესაც გაიგო, რომ ფეხმძიმედ იყო, თურმე მანონ ლესკოს როლზე მუშაობდა. ბავშვის გაჩენის შემდეგ კი მოინდომა, რომ დიდ ბალეტში ამ როლით დაბრუნებულიყო.
''ზოგი ირჩევს ერთ დიდ თეფშს საჭმელით და ზოგიც ხელოვნებას'', ბარიშნიკოვის ნათქვამი ეს სიტყვები ირმა ნიორაძის ცხოვრების დევიზად იქცა.
ირმა ნიორაძე მშობიარობის შემდეგ პეტერბურგში - რობერსპიერის ქუჩაზე ცხოვრობდა, რომელიც ერმიტაჟის გვერდით იყო. ყოველ დილას ამ ქუჩაზე ოცი წუთის განმავლობაში დარბოდა. დღის განმავლობაში კი ხაჭოთი იკვებებოდა, მხოლოდ წყალს სვამდა და ამ ყველაფრის გარდა რამდენიმე საათით რეპეტიციებს გადიოდა.
ერთ თვეში ზუსტად 22 კილოგრამი დაიკლო. ამ ყველაფერს ახლა აღარ გააკეთებდა, რადგან ფიქრობს, რომ მაშინ ასეთი ცხოვრების წესით ჯანმრთელობას ავნო, თუმცა შედეგი ნამდვილად შთამბეჭდავია.
კესო ლაღიძე