- ინდირა, რატომ გადაწყვიტე დიეტის დაწყება?
- ფორმაში მინდოდა ჩადგომა, რადგან უცებ ამოვვარდი რეჟიმიდან. თან ზამთარი ისედაც გვასუქებს ზოგადად მანდილოსნებს (იცინის)… ბევრი დღესასწაულები, სუფრა. მოკლედ, ერთ დღესაც გამოვაღე გარდერობი და აღმოვაჩინე, რომ ძალიან ბევრი რამ აღარ მეტეოდა. ეს იყო ყველაზე ცუდი შეგრძნება.
- დიეტოლოგს მიმართე?
- არა, არანაირი
- რომელ დიეტაზე შეაჩერე არჩევანი?
- წიწიბურას დიეტას ვიცავ, რომელიც სასწაულმოქმედია. 9 დღიანია, რომელმაც 9 დღეში 5 კილო მომაკლებინა და კიდევ ვაგრძელებ. აუცილებელია ძილის რეჟიმი იყოს მოწესრიგებული რათა ღამე გაღვიძებულს შიმშილმა არ შემოგიტიოს.
- მხოლოდ წიწიბურას ჭამ მთელი დღის განმავლობაში?
- როდესაც მშია ვჭამ მოხარშულ წიწიბურას და უშაქრო მწვანე ჩაის ვსვამ. ყავა ნებისმიერი შეიძლება და ისიც უშაქრო უნდა იყოს. დღის განმავლობაში დაახლოებით ნახევარ კილოგრამ წიწიბურას ვჭამ
- წიწიბურას ზეთს და მარილს ამატებ?
- არა, არანაირი ზეთი და მარილი მხოლოდ მშრალად მოხარშულ წიწიბურას ვჭამ. ამას ვამატებ ხანდახან ერთ ქილა მაწონში ვყრი ერთ კოვზ ხსნად ყავას და 100 გრამ ნამდვილ კონიაკს ვურევ. საშინელი დასალევია, მაგრამ მუცლის ცხიმებს კარგად წვავს. ამას რომ ვჭამ, თითქმიის გულის რევამდე მივდივარ, მაგრამ ეფექტი ნამდვილად აქვს. მსხვერპლის გაღება ნამდვილად მიწევს.
- ხილს ჭამ?
- სიმართლე გითხრათ არა და ვერ ვჭამ. რამოდენიმე დღის წინ ვჭამე ალუჩა. მხოლოდ
ხილი აუცილებელია, თუმცა მადა ისე მაქვს დაქვეითებული ჭამის სურვილიც აღარ მიჩნდება.
უბრალოდ გონებით ვიცი, რომ რაღაც უნდა შევჭამო, რომ წნევა არ დამივარდეს და ცუდად არ გავხდე.
- წყალს დიდი რაოდენობით სვამ?
- გაზგსულ მინერალურ წყალს ვსვამ, ბუნებრივს არა.
- რამდენი კილოგრამი გინდა, რომ იყო?
- სიმაღლით ვარ 1.78 და სანამ დიეტას დავიწყებდი, ვიყავი 75 კილო. მინდა, 65 კილოზე ჩამოვიდე. ახლა ვარ 70 კილო. პარალელურ რეჟიმში ვვარჯიშობ კვირაში 3 დღე.
- სტიმულს დიეტისთვის ქალებს როგორც წესი სიყვარული აძლევს ხოლმე. შენს შემთხვევაშიც ასეა?
- არა, რა სიყვარული ეს მამაკაცს ნამდვილად არ უკავშირდება. ამ ეტაპზე ფიქრიც კი არ მინდა არავისზე. ეს სტიმული არის სცენა, ეკრანი და ჩემი საქმე, რასაც ვაკეთებ. ვემზადები ახალი სეზონისთვის.
მერი კობიაშვილი
