რძე ჭეშმარიტად ჯადოსნური პროდუქტია, რომელიც გვიბოძა ბუნებამ. მასში ორგანიზმის ზრდისა და განვითარებისთვის ყველა საჭირო ნივთიერებაა. რძე ამაგრებს ძვლებს და კბილის ემალს, ზრდის თავის ტვინის აქტიურობას და ბევრი სხვა. იოგების უძველეს ნაწერებში მითითებულია, რომ ბრძენები იკვებებოდნენ მხოლოდ რძით.

სასარგებლო რჩევები:

1. უმჯობესია გამოიყენოთ ახალი რძე სანდო წყაროდან. რძის ხანგრძლივი დუღება (15 წუთზე მეტი) სტრუქტურულად ცვლის რძის სასარგებლო ცილებს, ამიტომ თუ ადუღებთ რძეს, როგორც კი ის ადუღდება, მაშინვე გადმოდგით.

2. იმისათვის, რომ რძე შეთვისებადი იყოს, ის უნდა გამოიყენოთ სხვა საკვებისგან დამოუკიდებლად ან ისეთ პროდუქტებთან ერთად, რომლებსაც გადამუშავების შემდეგ ტკბილი გემო აქვს (ბრინჯთან, ხორბალთან, ბანანთან, ქიშმიშთან, ფინიკთან და სხვა ).

3. ბევრად უკეთესად შეითვისება ცხელი რძე ისეთ სანელებლებთან ერთად, როგორიცაა დარიჩინი, კურკუმა, კარდამონი, კოჭა, მუსკატი, ზაფრანა. დალევის წინ დაამატეთ ცხელ რძეში მწიკვი ნებისმიერი სანელებელი:

- რძე დარიჩინით ამაგრებს გულს, წმენდს სისხლს და გააჩნია შარდმდენი თვისება.
- რძე კარდამონით ასევე სასარგებლოა გულისთვის და ნერვული სისტემისთვის, რძის წყალობით კარდამონის სამკურნალო თვისებები იზრდება 10-ჯერ.
- რძე მუსკატით ამშვიდებს, აღადგენს ძილს და აძლიერებს პოტენციას.
- ცხელი რძე კურკუმით სასურველია დალიოთ ძილის წინ, ის აუმჯობესებს ძილს და ფსიქიკას, აღადგენს სისხლს და კანს.
- რძე კოჭათი აძლიერებს იმუნურ სისტემას, აუმჯობესებს სისხლს და ორგანიზმის თითქმის ყველა ორგანოს მუშაობას. ასეთი რძე უმჯობესია დალიოთ დილით.
- რძე ზაფრანით - ერთერთი ყველაზე საუკეთესო საშუალებაა ნებისმიერი ქალის გაახალგაზრდავებისთვის, სასიკეთოდ მოქმედებს ფსიქიკურ მდგომარეობაზე და შობადობის ფუნქციაზე.

4. ცხელი რძე თაფლით და ერბოთი წარმატებით ეხმარება სახსრების დაავადებებს ( ართრიტი, ართროზები და ა.შ.), ნერვული სისტემის პრობლემებს და გაციებით გამოწვეულ დაავადებებს.

რძის დალევა უმჯობესია ცხელ მდგომარეობაში დილით 6-დან 9 საათამდე ან საღამოს 18-დან 21 საათამდე. ცივი რძის დალევა არ შეიძლება. გაუფრთხილით თქვენს კუჭ-ნაწლავს.