- სოფო, ქალებს ყოველთვის გვჭირდება სტიმული იმისთვის, რომ ფორმაში ვიყოთ, წონაში დავიკლოთ. შენთვის რა იყო ეს სტიმული?
- უბრალოდ მინდოდა ფორმაში ვყოფილიყავი. მომღერალი ვარ, სცენაზე ვდგავარ და ეს ყოველთვის მჭირდება. რომ გითხრათ, ვიშიმშილე ან რაიმე კონკრეტული დიეტა დავიცავი-მეთქი, მოგატყუებთ. უბრალოდ შევამცირე დოზები. დანაყრებამდე არ მივდიოდი. იყო პერიოდი,
- საათობრივად იკვებები?
- არა, ამის საშუალებას ჩემი დღის რეჟიმი არ მაძლევს. ჩემი დილა, სამსახურიდან გამომდინარე დღის პირველი საათზე იწყება. ამ დროს ან საერთოდ არ ვჭამ ან ძალიან მსუბუქად გეახლებით. ტკბილეული საერთოდ ამოვიღე კვების რაციონიდან. ნამცხვრებს აღარ ვჭამ. შოკოლადი მიყვარს და თუ სადმე შემომთავაზებენ, უარს არ ვამბობ, მაგრამ სახლში არ ვყიდულობ, რომ არ შემომეჭამოს (იცინის). ღამით ვცდილობ საერთოდ არ ვჭამო. ჩემი კუჭიც მიეჩვია ამ მდგომარეობას და დიდი მოთხოვნილებაც არ მაქვს. თუ სადმე წვეულებაზე ვარ, ყველაფერს გეახლებით, უბრალოდ დოზებს ვაკონტროლებ.
- ამასობაში კუჭიც დაგიპატარავდა?
- ჰო, დამიპატარავდა და ისეთი მოთხოვნილება აღარ მაქვს, როგორიც მქონდა.
- ხომ არ ვარჯიშობ კიდეც?
- არა, ამის დრო ნამდვილად არ მაქვს. ვარჯიში არ არის, ჩემი გადარბენები? ცუდი არ იქნებოდა სხეულის გასამკვრივებლად ფიტნესისთვის მიმემართა, მაგრამ ნამდვილად არ მაქვს ამის დრო. ჯერჯერობით მომწონს ჩემი ფორმები და თუ მოვიცლი, ვივარჯიშებ კიდეც.
- სულ რამდენი კილოგრამი გაქვს დაკლებული?
- შარშანდელი ზაფხულიდან - 7-8 კილოგრამი, ''ჯეოსტარის'' შემდეგ - 22.
- შენი საყვარელი ადამიანი, მიშა მესხიც ებრძვის წონას. ამ ეტაპზე რა მდგომარეობაა?
- ადრე ძალიან გამხდარი ყოფილა მიშა, ბოლო წლებია რაც მოიმატა. ახალგაზრდა ბიჭია, აწუხებს ნამდვილად წონა. 15 კილოგრამის დაკლება უნდა. 3-4 კილოგრამი დაიკლო უკვე.
ნინო მჭედლიშვილი
