ნატრიუმის ბიკარბონატს ხშირად იყენებენ გაციებისა და სხვადსხვა დაავადების სამკურნალოდ. მისი დახმარებით ჰიგიენის დაცვაც გაგიადვილდებათ, მაგალითად, ნატრიუმის ბიკარბონატს, ანუ საკვებ სოდას, შეუძლია დეზოდორანტების მაგივრობა გაგიწიოთ.

საერთოდ, მას ძალიან ფართოდ იყენებენ როგორც ხალხურ მედიცინაში, ისე საყოფაცხოვრებო დანიშნულებითაც.

ეს სასარგებლო იგრედიენტი შეგიძლიათ ჯანმრთელობის გასაუმჯობესებლად გამოიყენოთ. საკვები სოდა კარგია დიარეის, მჟავიანობის, წამლით მოწამვლის, მეტაბოლური აციდოზისა და წყლულოვანი დაავადებების პროფოლაქტიკისთვის.

ნატრიუმის ბიკარბონატი შეიცავს ნატრიუმს და შეუძლია ორგანიზმი დაიცვას ჰიპერკალიემისა და თირკმლებსა და საშარდე ბუშტში კენჭების დაგროვებისგან.

გახსენით ერთი კოვზი ნატრიუმის ბიკარბონატი წყალში და დალიეთ, ეს მოგიხსნით კუნთების ტკივილს მძიმე ფიზიკური ვარჯიშის შემდეგ. მისი მეშვეობით შეგიძლიათ უმკურნალოთ ფეხის სოკოს და მოიშოროთ ღრმად ჩამჯდარი ჭუჭყი. ეს ძალიან ადვილია. უბრალოდ, ჯაგრისს დააყარეთ ცოტაოდენი ნატრიუმის ბიკარბონატი და გაიხეხეთ ფრჩხილები.

შეგიძლიათ, ასევე, ერთმანეთში აურიოთ 3 სადილის კოვზი საკვები სოდა, 1 ჩაის კოვზი მარილი, პიტნის ეთერზეთი და ცოტაოდენი წყალი. მიღებულ მასაში ჩააწყვეთ ხელები ან ფეხები და გააჩერეთ 20 წუთით.

ნატრიუმის ბიკარბონატის სამკურნალოდ გამოყენებისას კონსულტაციისთვის აუცილებლად მიმართეთ ექიმს.

სოფიო ბულაური