ზაფხულში ფეხის ტერფების ოფლიანობა იმატებს, რაც სოკოს ინფექციის რისკს ზრდის. კარგი იქნება, თუ ხშირად ისეირნებთ ფეხშიშველი, გულმოდგინედ იზრუნებთ ფეხების ჰიგიენაზე და მოერიდებით ხელოვნური მასალისგან დამზადებულ ფეხსაცმელს.

თუ მაინც გაგიჩნდათ ეს პრობლემა, სხვა ბუნებრივ საშუალებებთან ერთად იოგურტიც დაგეხმარებათ.

იოგურტი
იოგურტი ტერფის ინფექციის საწინააღმდეგო საუკეთესო საშუალებაა. ის შეიცავს მიკროორგანიზმებს, რომლებიც ანადგურებენ სოკოვან ინფექციებს. წაისვით თითებშორის და გაიჩერეთ რამდენიმე წუთით.

წყალბადის ზეჟანგი
თუ ფეხებს წყლისა და წყალბადის ზეჟანგის ნაზავში ჩააწყობთ, გაანადგურებთ სოკოს ინფექციებს და ხელს შეუშლით მათ გავრცელებას. ამისთვის 1 ლიტრ დისტილირებულ წყალს დაუმატეთ100 მილილიტრი 3%-იანი წყალბადის ზეჟანგი და ყოველ დილით 20 წუთით ჩააწყვეთ მასში ფეხები.

სოფიო ბულაური