რეიტინგული ფოტო
 
წერილი რეგიონიდან - "10 წლის გათხოვილი ვარ და ჩემს ქმარს შიშველი არ ვუნახივარ...''
წერილი რეგიონიდან - "10 წლის გათხოვილი ვარ და ჩემს ქმარს შიშველი არ ვუნახივარ...''
03 დეკემბერი, 2014
"ტელევიზიებით გამოდიან და ჭკუას გვარიგებენ ცნობილი სახეები, ქმარი რომ თქვენზე ძალადობს პატრულში დარეკეთო და იმას არ ფიქრობენ, ის პატრული რომ წავა, გაგიჟებული ქმარი რას გვიზამს'' - ასე იწყება წერილი, რომელიც კახეთის ერთ-ერთ რეგიონიდან მივიღეთ. ეკამ საკუთარი მძიმე ცხოვრება რამდენიმე გვერდად მოგვწერა, ვეცადეთ, წერილის სიდიდის გამო, შედარებით მცირე ვერსია გამოგვექვეყნებინა.

ეკა:

18 წლის გავთხოვდი, სიმართლე რომ გითხრათ ამის დიდი სურვილი არ მქონია, მაგრამ სწავლის გაგრძელება ვერ შევძელი და სახლში უქმად ყოფნას ოჯახის შექმნა ვარჩიე. მომავალი მეუღლე ჩემზე სამი წლით უფროსი იყო. მეზობელი სოფლიდან.

ერთმანეთი ნათესავების დახმარებით გავიცანით და მალე ცოლად გავყევი. ამ გადმოსახედიდან, ვერ ვხვდები როგორ გავთხოვდი სრულიად უცხო მამაკაცზე, მაგრამ ოჯახური ტვირთი ალბათ ბოლომდე არ მქონდა გაცნობიერებული.

ჯოჯოხეთი ქორწილის ღამეს დაიწყო. მის შეხებაზეც კი თავზარი მეცემოდა და ქმარი მეზიზღებოდა, მაგრამ დიდ სიყვარულს არც თვითონ ამჟღავნებდა. ათი წელია ერთად ვართ, ორი შვილი შემეძინა და ჩემს მეუღლეს ვერაფერი გავუგე. რაღაცნაირი ადამიანია, თითქმის არ მელაპარაკება. ხის საამქროში მუშაობს და მთელი დღე გასულია. საღამოს შინ დაბრუნებული არასოდეს ინტერესდებდა რას ვაკეთებდი იმ დღეს, მარტო ბავშვებთან თუ ითამაშებს, შეჭამს და დაიძინებს.

არსად მიშვებს. ჩემს მშობლებთანაც იშვიათად მივდივარ სტუმრად. რამეს რომ ვეტყვი, გინებაზე გადმოდის და იმის შიშით, რომ არ დამარტყას ჩუმად ვარ. ერთი ლარი არ მოუცია ჩემთვის. სახლში თუ რამის ყიდვა გვინდა, პროდუქტები, ბავშვის ტანსაცმელი, პამპერსიც კი, ყველაფერს თავად ყიდულობს. მე კი წელიწადი ერთხელ ლილოს ბაზრობაზე მივყავარ და საცვლის და ლიფის ფულსაც კი თავად იხდის.

მე და ჩემი ქმარი ცალკე ვცხოვრობთ. ერთი მაზლი მყავს დაოჯახებული და მშობლებთან ის ცხოვრობს. რძალი იშვიათად მოდის ჩემთან, მეუბნება მეცოდები, ამ კაცს როგორ უძლებო. ყველას უკვირს ორი ძმა ასეთი განსხვავებულები როგორ არიან.

ერთი და
You must have Flash Player installed in order to see this player.
მყავს, თბილისში გათხოვდა და ჩემ მშობლებს ვთხოვე, იქნებ თქვენთან გადმოვიდე საცხოვრებლად, ამ კაცის გაძლება აღარ შემიძლია-მეთქი, მაგრამ მამამ მითხრა, წამოხვიდოდი, მაგრამ მოვხუცდი და შენი გიჟი ქმარი რომ მომივარდეს, არ შემიძლია, როგორ გავუმკლავდეო.

ახლა ბევრი იფიქრებს, ქმარი არ ცემს, არ ამუშავებს და თვითონ ინახავს, ამ გაჭირვებულ ქვეყანაში მეტი რა უნდაო, მაგრამ სიმართლე რომ გითხრათ, იმიტომ არ მცემს, რომ მის მოსამსახურედ ვარ გადაქცეული. სიტყვა რომ შევუბრუნო და არ დავემორჩილო, მეც იმ საწყალი ქალების გვერდით აღმოვჩნდები, ვინც ქმრების მსხვერპლად იქცნენ.

მე კი არ უნდა მასწავლიდნენ პატრულის გამოძახებას, კაცებს უნდა უტარებდნენ რაღაც კურსებს, რომ ცოლთან ასე მოქცევა არ შეიძლება. ისიც არ ვიცი, როგორ უნდა შეაგნებინონ.

ძალიან მერიდება ამის მოწერა, მაგრამ სქესობრივი ურთიერთობაც კი იშვიათად გვაქვს, ათი წლის ცოლ-ქმარი ვართ და ქმრისგან მიყვარხარ არ გამიგია და შიშველ მდგომარეობაშიც კი არასოდეს ვუნახივარ... არაფერი გაუკეთებია იმისთვის, რომ შემყვარებოდა, არც თავად ვუყვარვარ. საკუთარ თავს აღარ ვჩივი, შვილები მეცოდებიან, ასეთი მამის ხელში რა ფსიქიკით უნდა გაიზარდონ...''

მკითხველის ისტორია

FaceBook Twitter Google ელფოსტაბეჭდვა
კომენტარი (96)
18:26 / 29-05-2017
ნინია
ვფიქრობ ერთხელ უნდა გარისკო და კითხო მიდგომით რას გრძნობ შენს მიმართ რომ თითონ რატომ არის დახურული და რა არის ამის მიზეზი შეპირდე რომ გაუგებ რა მტკივნეულიც არ უნდა იყოს შენთვის პასუხი ვფიქრობ ეს გარისკვა დაგეხმარება გადაწყვეტილების მიგებაში თუ არაფერი გითხრა და დაგარტყა კიდეც ეს ნიშანი იქნება იმისა რომ ადგე შენ შვილებს ხელი მოკიდო და წახვიდე შენს გზაზე ნუ შეგეშინდება ცხოვრების ან გარისკავ ან შეეგუები და თუ გაგეხსნა და გითხრა რა აწუხებს მაშინ იმოქმედე როგორც ჭკვიანმა ქალმა მოითმინე და დაეხმარე რომ გადალახოს და თუ მიზეზი იქნება სხვა ქალი უთხარი არჩევანი გააკეთოს რომ შენ წინააგმდეგი არ იქნები რომ ამით ორივე ბედნიერი იქნებით და შვილებიც ტყუილში და თვალთმაქცობაში აღარ დაიზრდებიან აბა შენ იცი მოგვწერე რას იზავ
16:45 / 30-04-2017
ანა
სწავლა რა შუაშია..ნასწავლიც ვარ და მეტიც იურისტი ვარ,თუმცა ოჯახს რომ ქმნი და მითუმეტეს სააართველოში თმენის ვალდებულებაც გაქვს,თუმცა ცხოვრება არ უნდა შეწირო ნაბიაჭვარს.ჩემი ქმარი დანით მისერავდა ხელებს,სიგარეტებს მაწვავდა ზედ და მაიძულებდა მადლობის თქმას.2თვეში დავშორდი საბედნიეროდ და სასამართლომდეც კი მივიდა საქმე,თუმცა ეს საკმაოდ დიდი სტრესი იყო ჩემთვის. არ შეწიროთ თქვენი ცხოვრება არავის,იყავით და იბრძოლეთ ბედნიერებისთვის..მონებად არ დავბადებულვართ..მე მტკივა და ვუთანაგრძნობ ყველა ქალს.
11:38 / 30-04-2017
თამარი
უმიზეზოდ ამ ქვეყნად არაფერი არ არსებობს. მის ასეთ ფსიქოლოგიურ მდგომარეობას აუცილებლად ექნება მიზეზი. ჰოდა გაიგე რაშია აქმე და სცადე ამ მიზეზის გათვალისწინებით ამ კაცის შენსკენ შემობრუნება, შეძულება და პატრული ადვილია სიყვარული, მეგობრობა და დახმარებაა ძნელი. ის შენი შვილების მამაა თუ ჭკვიანი და ძლიერი ქალი ხარ შეძლებ იყო ბედნიერი და ლამაზ ოჯახში გაზარდო შვილები. აი მაშინ იქნები ყოჩაღი ქალი.ასე იქცევიან ჭკვიანი და ძლიერი ქალები. აბა შენ იცი წარმატებებიიიიიიიიიი!!!!!!!!!!!!!!!
23:09 / 23-01-2017
MIRABELLA
მეც მყავდა ასეთი, ნუ, მთლად ასეთი არა, მაგრამ მიახლოებული ფსიქოპატი...ცოტა ხანი ვუთმინე, შანსიც მივეცი გამოსწორების, მაგრამ ვირს რომ ოქროს უნაგირი დაადგა რაშად არ იქცევა და ვერც ღორი ამჩნევს მის წინ დაყრილ მარგალიტებს და...ისეთი ფსიქოლოგიური სვლები ჩავუტარე, რომ თოკიდან ჩამოხსნეს თუ არა თავს იხრჩობდა...სადაც მე არავარ ბედნიერი,იქ 5კილომეტრის რადიუსში ყველა უბედურია.სანამ ვიყავი მშობლების მიერ დამოძღვრილი სამაგალითო ცოლი, ვერ მაფასებდა,გადავჯექი ცოცხზე და...ახლა სხვამ იკითხოს.ასე, რომ რასაც გააღვიძებთ ქალში იმას მიიღებთ,ქართველო კაცმაცუნებო..კაცზე უფრო საშინელი მტერი ქალს არ ჰყავს,უბრალოდ ადგილი უნდა მიუჩინო...რა თქმა უნდა ყველას არ ეხება
16:13 / 23-01-2017
გიორგი
რა საზიზღრობაა ცოლს ეგრე როგორ ქვევით კაცები ხართ თუ ლაჩრები?
კატეგორიის სხვა სიახლეები