დავამთავრე საესტრადო ხელოვნების სახელმწიფო სასწავლებელი სპეციალობით _ ესტრადის მომღერალი და მსახიობი. ასევე ტექნიკურ უნივერსიტეტში კომპიუტერული ტექნოლოგიები და უმაღლესი მათემატიკა ვისწავლე და ამ განხრით ვმუშაობ კულტურისა და ძეგლთა დაცვის სამინისტროში.
საყვარელი ფილმი და მსახიობი:
მსახიობი პენელოპა კრუსი და ფილმი ''ცხრა'', ესაა ჩემი საყვარელი ფილმებიდან ერთ-ერთი.
რისი გეშინია:
ადამიანების. რამდენადაც ძლიერი ვჩანვარ, იმდენად მშიშარა ვარ, მეშინია გადაწყვეტილების მიღების, მაგრამ ყველაზე მეტად _ მაინც ადამიანების, არ ვიცით,
სირთულე, რომლიც ბოლო პერიოდში გადალახე...
ჩემი ყველაზე დიდი სირთულე ამ ბოლო დროს იყო რეჟიმი, ძალიან მიჭირდა, სამსახურებთან ერთად ''ორ ვარსკვლავში'' მონაწილეობა და დროის გადანაწილება.
სამი სურვილი, რომლის შესრულებასაც ოქროს თევზს სთხოვდი.
1. ჩემი ოჯახის წევრების ჯანმრთელობას ვთხოვდი. 2. ვისურვებდი მსოფლიოს მონახულებას და მესამე სურვილია.. ოდესმე მოვხვდე ''ოსკარების'' ცერემონიაზე, თუნდაც სტუმრის რანგში (იცინის).
წიგნი, რომელიც ბოლოს წაიკითხე...
''სალამი, სევდავ...''
ვისთან ერთად გაემგზავრებოდი უკაცრიელ ადგილას?
ბევრი ადამიანი მყავს ისეთი, ვისთან ერთადაც გავემგზავრებოდი, მაგრამ ჩემს დასთან ერთად რომ არ წავიდე სადმე, მთელი ცხოვრების განმავლობაში ამომადენს, ამიტომ მასთან ერთად წავიდოდი.
ნივთები, რომლის გარეშეც ცხოვრება გამიჭირდებოდა.
საფულე, რომლის გარეშეც ერთი წუთი ვერ ვრჩები და ლანა ქუთათელაძის ნაჩუქარი სამაჯური. ''ჯეოსტარის'' დროს ერთ-ერთ ტურზე გამიკეთა და დღემდე მიკეთია, ჩემი ნებით არც არასდროს მოვიხსნი.
რისი გრცხვენია?
ბევრი რამის. მრცხვენია ახალ სიტუაციაში, ახალ გარემოში მოხვედრის, კარზე დაუკაკუნებლად შესვლის, არასდროს არ გამიხსნია ბებიაჩემის ჩანთა, რადგან ამისიც მრცხვენია და ა.შ.
დღე, რომელსაც გაიმეორებდი...
ჩემს დაბადების დღეს გავიმეორებდი ბევრჯერ, რადგან ამ დროს ყველა ჩემი საყვარელი ადამიანი გვერდით მყავს, მათთან ერთად მინდა ყოველი დღის გატარება.
რას არ ჩაიცვამ არასდროს?
იასამნისფერ სამოსს, ერთხელ ერთ-ერთი მობილურ კომპანიაში ჩამაცვეს ამ ფერის სამოსი და საშინელ ხასიათზე დავდექი, მას შემდეგ მივხვდი, რომ არასდროს ჩავიცვამ ისეთ რამეს, რასაც იასამნისფერი ღილიც კი ექნება.
რას გამოჰყავხარ წყობიდან?
არის საკითხები, რის გამოც შეიძლება ავფეთქდე, მაგრამ საერთოდ, გვიან და ძნელად გამოვდივარ წყობიდან, უსამართლობამ შეიძლება მოთმინება დამაკარგვინოს, თუ გავბრაზდი, საფუძვლიანად გამოვდივარ მდგომარებიდან... მთიულური რქები ამომდის, რომელსაც მთელი ჩემი საახლობლო მატეხს, მაგრამ ვერ მომატეხეს (იცინის).
ერთი კითხვა შინაგან საქმეთა მინისტრს...
(ფიქრობს) ვკითხავდი, სიმღერა რომ მოგიძღვნათ, კლიპს დამიფინანსებთ-მეთქი?.. შინაგან საქმეთა მინისტრის საქმიანობა მე არანაირად არ მეხება, რა კონტაქტიც შეიძლება მქონდეს მასთან, ესაა და ბარტერულ გაცვლას თუ გავაკეთებთ, კარგი იქნება (იცინის).
ჟურნალი ''რეიტინგი''
ციცი ომანიძე
