- თავის მოვლის რომელ საშუალებებს ანიჭებთ უპირატესობას?
- ბრენდებზე რომ ვისაუბრო ალბათ რეკლამაში ჩამეთვლება, ამიტომ არ დავაკონკრეტებ. ზოგადად, სახის და თვალის კრემებს ვისვამ ყოველ დილა- საღამოს, კანის და რა თქმა უნდა, თმის მოვლის საშუალებებსაც დიდ ყურადღებას ვაქცევ. ყოველთვის ვცდილობ, მაღალი ხარისხის პროდუქცია შევარჩიო. თმას იმდენად ხშირად ვიღებავ, განსაკუთრებულ ზრუნვას საჭიროებს.
- გადატვირთული რეჟიმიდან გამომდინარე, ძალიან ცოტას ვჭამ, ამიტომაც მეუბნება ყველა, ბოლო დროს ძალიან გახდიო. თუმცა, როცა ვჭამ, ძირითადად ჯანსაღ საკვებს ვჭამ, მიუხედავად იმისა, რომ ძალიან მიყვარს მაგდონალდსი, ბურგერები და ფასტ- ფუდი. ხანდახან ისეც ხდება, რომ თავს უფლებას ვაძლევ ისიამოვნოს, მაგრამ მეორე დღეს, აუცილებლად ვაკეთებ "განტვირთვას".
- რა სიხშირით ვარჯიშობთ?
- ზოგადად ვვარჯიშობ კვირაში სამჯერ, მაგრამ ახლა ისევ და ისევ ჩემი დატვირთული რეჟიმიდან გამომდინარე ორჯერ თუ შევძელი ფიტნეს კლუბში მისვლა, უკვე კარგია, კვირაში ერთხელ აუცილებლად დავდივარ.
- საშუალოდ დღე- ღამეში რამდენი საათი გძინავთ?
- ცხრა საათი მაინც უნდა მეძინოს, თუ მძინავს ცხრა საათი, მაშინ კარგად ვარ.
- მოდაზე რა აზრის ხართ?
- მთლად გადარეულიც არ ვარ, რა თქმა უნდა, ვითვალისწინებ, რა არის ტენდენციური, მაგრამ თუ არ მიხდება, მხოლოდ მოდურობის გამო არ ვყიდულობ სამოსს.
- რომელიმე აქსესუარი თუ გაქვთ, რომლის გარეშეც გარეთ არასდროს გადიხართ?
- საათი.
- რომელ აქსესუარებს იყენებთ უფრო ხშირად?
- საათს, ბეჭედს, საყურეს.
- სახლის პირობებში მომზადებულ ნიღბებს ისვამთ ხოლმე?
- იშვიათად, თუმცა მიცდია. ხაჭო და თაფლი, გერკულესი და თაფლი, აღარ მახსოვს ზუსტად, მაგრამ ძალიან იშვიათად მივმართავ სახლის პირობებში მომზადებულ თავის მოვლის საშუალებებს, მეტ წილად, კოსმეტოლოგს ვენდობი.
- როგორ ფიქრობთ, რა არის სილამაზის ფორმულა?
- სილამაზის ფორმულა არის შინაგანი კარგი განწყობა. თუ შინაგანად დადებითად ხარ განწყობილი ადამიანების მიმართ და ზოგადად, სამყაროს მიმართ, ეს აუცილებლად აისახება ვიზუალზეც.
მერიემ კაკაურიძე