აღმოჩნდა, რომ ვაჟა ნანობს სილამაზის კონკურსში მონაწილეობის მიღებას, მიიჩნევს, რომ იმ პერიოდში ცუდად გამოიყურებოდა. " იმ დროს ისეთი ცუდი გარეგნობა მქონდა, საერთოდ არ უნდა გამემარჯვა ", - ამბობს ვაჟა.
- კლიპმა, რომელშიც თქვენ მონაწილეობთ, დიდი პოპულარობა მოიპოვა, როგორ აღმოჩნდით გადასაღებ მოედანზე?
- რეჟისორმა, ნესტან სინჯიკაშვილმა მომწერა კლიპში გადასაღებად ვეძებთ ბიჭს და
- რა რეაქცია გქონდათ, როცა ეს გითხრეს?
- ძალიან გამიხარდა.
- პრემიერა ახლახან იყო, გამართლდა თქვენი მოლოდინები? მოგეწონათ?
- კი, კი ძალიან. არ ველოდი, ასე თუ მომეწონებოდა, კლიპი იმაზე უკეთესი გამოვიდა, ვიდრე მეგონა.
- რას განიცდიდით გადაღებებზე? ნერვიულობდით?
- არა, არ ვნერვიულობდი, პირიქით ძალიან სასიამოვნო იყო გადაღებების პროცესი.
- რა შეიცვალა თქვენს ცხოვრებაში კლიპში მონაწილეობის შემდეგ? თუმცა, ალბათ უფრო მნიშვნელოვანი ცვლილებები "მისტერ თბილისის" სტატუსის მიღებას მოჰყვა... არა?
- არა, ჩემ თავს "მისტერ თბილისად" არ ვთვლი (იცინის)! დიდი შეცდომა იყო იმ კონკურსში მონაწილეობის მიღება, მიუხედავად იმისა, რომ ჩემი სურვილით არ მიმიღია მონაწილეობა... ჯერ- ჯერობით არაფერი შეცვლილა, თუ არ ჩავთვლით იმას, რომ ხალხისთვის შედარებით უფრო ცნობადი სახე გავხდი, ვიდრე ვიყავი.
- რატომ თვლით შეცდომად კონკურსში მონაწილეობის მიღებას?
- მოკლედ გეტყვით, მაშინდელი და ახლანდელი ვაჟა ბევრად განსხვავდება აზროვნებით, ასე რომ, ახლა ვთვლი, რომ არ უნდა მიმეღო მონაწილეობა.
- ასეა თუ ისე კონკურსის შემდეგ ხალხმა გაგიცნოთ და შესაბამისად, თაყვანისმცემელთა რიცხვი საგრძნობლად გაიზარდა ამან როგორ იმოქმედა თქვენზე? მოგწონთ ეს თუ გაწუხებთ?
- მოკლედ, ახლა რომ ვუკვირდები, იმ დროს ისეთი ცუდი გარეგნობა მქონდა, საერთოდ არ უნდა გამემარჯვა და დღემდე გაუგებარია ჩემთვის, რატომ გავიმარჯვე... ან მე მგონია ასე, არ ვიცი... (იცინის) სთარი ვარ- მეთქი არ ვამბობ, უბრალოდ ასეა თუ ისე, მიცნობს ხალხი. არა, ეს არ მაწუხებს არანაირად.
- ფიქრობთ, რომ მაშინ ცუდად გამოიყურებოდით და დაიხვეწეთ, თუ ახლაც ასე გგონიათ?
- მგონი, შედარებით ოდნავ უკეთესი ვარ (იცინის). ბავშვობიდან ასეთი ამბიციური ვარ (იცინის).
- ისეთი გარეგნობა რომ გქონოდათ მაშინაც, როგორიც ახლა გაქვთ, მაშინ არ ჩათვლიდით შეცდომად კონკურსში მონაწილეობის მიღებას?
- ალაჰმა უწყის (იცინის), არ ვიცი.
- რას საქმიანობთ?
- დედაჩემსა და მის მეგობარს ოფისები აქვთ თურქეთში და ვეხმარები, როცა იქ ვარ. აქ გადაღებები მაქვს ხშირად. შეიძლება ახლო მომავალში კონტრაქტით წავიდე მოსკოვში, ვნახოთ, ალაჰის იმედზე ვარ (იცინის).
- პირად ცხოვრებაში რა ხდება?
- ზოგადად ფლირტის მოყვარული ადამიანი ვარ (იცინის).
- როგორი გოგონები მოგწონთ?
- ასე, კონკრეტულად, ვერ გეტყვით. ქერა, ცისფერ თვალებაო და ასე შემდეგ, რომ იციან, მე მათ კატეგორიას არ მივეკუთვნები. ჩემს გემოვნებაში თუ ჯდება - მომწონს.
- ქალში რას აქცევთ ყურადღებას, პირველ რიგში?
- ყველაზე მნიშვნელოვანია, როგორ აცვია. შეიძლება უმახინჯესი იყოს ქალი და ისე ეცვას, შემიყვარდეს.
- და მაინც, როგორ სტილზე ჩაცმული გოგონები უფრო გიზიდავენ?მოდურად, ელეგანტურად, სპორტულად... ან იქნებ, გამომწვევად?
- არც ერთი, არც მეორე, არც მესამე და არც მეოთხე... აი, ვერ აღგიწერ, არ ვიცი რა, რომ შეხედავ და თვალები ზედ დაგრჩება, ასე ქვია სტილს.
- და რაც შეეხება სამომავლო გეგმებს, ცოტა უფრო დეტალურად რომ მოგვიყვეთ შეგიძლიათ?
- არ გეწყინოთ, მაგრამ მსგავს რაღაცებზე დედაჩემსაც კი არ ვუყვები (იცინის).
მერიემ კაკაურიძე
