მომღერალი, მაკა ზამბახიძის მეუღლე ვახო ჭუმბურიძე იტალიის მოქალაქეობაზე ოცნებობს. ათი წლის შემდეგ უკვე თავი იტალიის მკვიდრად წარმოუდგენია. ვახო ჭუმბურიძეს არ ანაღვლებს, სჯერათ თუ არა მისი, "ჰგონიათ, რომ გადავიფიქრებ, ეგონოთ"- ამბობს ის ოჯახის წევრებსა და მეგობრებზე.

მე ვარ: ვახო ჭუმბურიძე თბილისელი, 33 წლის ჭაღარა.

ჰოროსკოპი: ტყუპები

რომ არ დავბადებულიყავი საქართველოში, დავიბადებოდი: იტალიაში.

ჩემი დევიზია: იცხოვრე ისე, რომ უკან მოხედვის არ შეგრცხვეს.

ადამიანი, რომელიც ყველაზე მეტად მიყვარს: ჩემი შვილია.

წარსულში დაბრუნება, რომ შემეძლოს: ალბათ არაფერს შევცვლიდი.

ფრაზა/სიტყვა, რომელსაც ყველაზე

ხშირად ვამბობ: ნუ გაახურე.

ყველაზე ეგზოტიკური საჭმელი, რომელიც მიჭამია: ბაყაყი.

შეკითხვა, რომელიც ყველაზე მეტად მაღიზიანებს: რატომ მოიმატე წონაში?

მონიკა ბელუჩისა და ანჯელინა ჯოლის შორის, უფრო მიმზიდველად მიმაჩნია: პენელოპა კრუზი.

ყველაზე მეტად მეშინია: სიმაღლის.

ის, რისი პატიებაც არ შემიძლია: არის ორპირობა.

ადამიანში ყველაზე დიდ ყურადღებას ვაქცევ: თვალებს.

საკუთარ თვს ვერასდროს ვაპატიებ: სხვა საფეხბურთო გუნდის გულშემატკივრობას. (ვგულშემატკივრობ ტურინის იუვენტუსს).

ბავშვობაში მეგონა, რომ: ფეხბურთელი გავხდებოდი.

საკუთარი თავი ათი წლის შემდეგ წარმომიდგენია: იტალიის მოქალაქედ და ქალაქ ტურინის მკვიდრი.

- ეს უბრალოდ ნატვრაა თუ გაქვთ რაიმე გეგმები ამ მიზნის მისაღწევად?
- ნატვრა სტუდენტობის დროს და ახლა უკვე ვმუშაობ ამ თემაზე.

- თქვენი ოჯახის წევრები და მეგობრები რა აზრის არიან ამაზე?
- ჰგონიათ, რომ გადავიფიქრებ, ეგონოთ(იცინის).

არ ვიცი და მინდა ვიცოდე: არაბული და ჩინური ენები.

მინდა, დამიმახსოვრონ როგორც: ადამიანი.

დღეს, რომ ჩემი უკანასკნელი დღე იყოს: დედას ჩავეხუტებოდი და ბოდიშს მოვუხდიდი თუ ყურადღება ისე ვერ მივაქციე და იმდენი სითბო ვერ გამოვხატე, რასაც იმსახურებდა.

მერიემ კაკაურიძე