მომღერალმა გვიპასუხა, რომ თავს უკვე კარგად გრძნობს, ახალ წელს ბათუმის ღია ცის ქვეშ, კონცერზე შეხვდა, რაც შეეხება „ევროვიზიის“ შიდა შესარჩევ ტურს, 20 იანვარს გაიმართება.
- როგორ შეხვდით ახალ წელს?
- ახალ წელს შევხვდი გარეთ, ბათუმში კონცერტზე.
- ვისთან ერთად იმღერეთ?
- სოლო ვიმღერე
- რა მოგწონთ ახალი წლის განსაკუთრებით?
- განსაკუთრებით ის მომწონს, რომ ძველი წელი მთავრდება და ახალი იწყება.
- რომელია თქვენი საყვარელი საახალწლო ფილმი?
- Home alone (მარტო სახლში).
- თქვენი ნაძვის ხე ერთ კონკრეტულ ფერშია ხოლმე გაწყობილი თუ მრავალფეროვანია?
- ჩემი ნაძვის ხე საერთოდ, ფერადია, თუმცა წელს მე ვერ მოვიცალე ნაძვის გასაწყობად.
- საახალწლო სუფრისთვის კერძებს აკეთებთ ხოლმე?
- სამწუხაროდ, არა. არ მაქვს მაგდენი დრო.
- რომელ კერძს გამოარჩევდით ტრადიციული საახალწლო სუფრიდან?
- საცივს.
- თოვლის ბაბუის რა ასაკამდე გჯეროდათ?
- დაახლოებით 10 წლამდე. ბოლოს, მიხვდნენ ჩვენი მშობლები, რომ მე და ნინო ალბათ მთელი ცხოვრება დავიჯერებდით, რომ არსებობს თოვლის ბაბუა და გამოგვიცხადეს, თოვლის ბაბუა არ არსებობს შვილებოო.
- საუკეთესო საახალწლო საჩუქრის გახსენება შეგიძლიათ?
- არ მახსენდება, სიმართლე რომ გითხრათ. რა ვიცი, ყველანაირი საჩუქარი მიხარია.
- თქვენ ვისთვის არჩევთ ხოლმე საახალწლო საჩუქრებს?
- პირველ რიგში, ოჯახის წევრებისთვის.
- როდის იყო თქვენს ცხოვრებაში საუკეთესო ახალი წელი?
- ჩემს ცხოვრებაში, ყოველი წელი საუკეთესოა.
- საშობაოდ ან ძველთა ახალი წლისთვის რა გეგმები გაქვთ?
- სავარაუდოდ, ისევ კონცერტები მექნება.
- წარმოიდგინეთ, რომ შეგიძლიათ მიწეროთ წერილი ნამდვილ თოვლის ბაბუას, რას მიწერდით?
- წერილი ძალიან პირადული იქნებოდა, ამიტომ შევინახავ ჩემთვის, საიდუმლოდ.
მარიამ კაკაურიძე